ئەم هەواڵە بڵاوبكەوە
FaceBook  Twitter  

ڕێگای کوردستان -ستۆکهۆڵم

ڕۆژی هەینی 6 نیسان شاندێکی کۆنگرەی نەتەوەیی کوردستان (کەنەکە) سەردانی حزبی شیوعی کوردستان ڕێکخراوی سویدیان کرد له‌ شاری ستۆكهۆڵم.

شاندەکەی کەنەکە پێك هاتبوو لەهەریەک لە هەڤال یەڵماز ، هەڤاڵ میرۆ و هەڤاڵ کاروان سەعيد، شاندەکە پێشوازی لێکرا لەلایەن هاوڕێیانی حزبی شیوعی کوردستان کە پێکهاتبوون لە هاوڕێ ئه‌حمه‌د ده‌وڵه‌ت، هاوڕێ تارق قادر و هاوڕێ ئاسۆ ئەحمەد.

لەوکۆبوونەوەیەدا بەئازادانە بیروڕا گۆڕدرانەوه‌ سه‌باره‌ت به‌ كێشه‌ چینایه‌تییه‌كان له‌ كوردستان بەگشتی و هه‌روه‌ها باس لە ڕەوشی پارچەکانی کوردستان کرا بە تایبەتی ئێستای ڕۆژئاوا و باروگوزەرانی ئاوارەکانی عەفرین، هەروەها ڕەوشی ئێستای باشور باسکرا سەبارەت بە دژواری باری ئابوری هاووڵاتیانی باشوری کوردستان به‌هۆی دواكه‌وتنی مووچه‌و کەمی خزمەتگوزارییەکان كه‌ بووه‌ته‌ هۆی ده‌ربرینی ناڕه‌زاییه‌تی هاوولاتیان و هه‌ردوولا پشگیری خۆیان دووپاتكرده‌وه‌ بۆ خۆپیشانده‌رانی هاووڵاتیان له‌ باشور بۆ به‌ده‌ستهێنانی مافه‌ڕه‌واكانیان.

شاندی کەنەکە ستایشی هاوڕێیانیان كرد بۆ هەماهەنگی و چالاکییەهاوبەشییەکانیان، هه‌روه‌ها هه‌ڵوێستی حزبی شیوعی کوردستان بۆ پشتگیری لە عەفرین و دژ بە داگیرکردنەکانی تورکیا لە کوردستاندا به‌رزنرخاند.

هاوڕێیانی حزبی شیوعی جه‌ختیانكرده‌وه‌ له‌سه‌ر پشتگیری حزبه‌كه‌یان بۆ به‌رخودانی پارچه‌كانی تری كوردستان.

هەدوولا هاوڕابوون لە سەر کاری هاوبەش لە پێناو سەرخستنی پرسە نیشتمانییەکان و پێکەوەکارکردن بۆ گەیاندنی دەنگی ناڕەزاییەتی بەگەلانی ئەوروپا و دروستکردنی فشاری جەماوەی لە پێناو گەڕاندنەوەی ئاوارەکانی عەفرین و پاراستنی گیانیان، هه‌روه‌ها جه‌ختیانكرده‌وه‌ له‌سه‌ر گرنگی یه‌ك هه‌ڵوێستی و یه‌كڕیزی لایه‌نه‌ سیاسییه‌كانی كوردستان بۆ به‌ره‌نگاربوونه‌وه‌ی ئه‌و گه‌له‌كۆمه‌كییه‌ هه‌رێمییه‌ی دژ به‌ كوردستان ده‌كرێت به‌ بێده‌نگی كۆمه‌ڵگای نێوده‌وڵه‌تی. 

ئەمانه‌و چەندین پرسی هاوبەش تاووتوێ کران لە کەشێکی دۆستانەدا.

چالاکی حزبی