ئەم هەواڵە بڵاوبكەوە
FaceBook  Twitter  

ڕۆژی ۲۲ی ئایاری ٢٠١٨ بەئامادەبوونی نوێنەری ڕێکخستنەکانی شارەکانی ئەڵمانیای حزبی شیوعی كوردستان و بەئاماده‌بوونی هاوڕێ ئاسۆ گەرمیانی بەرپرسی كۆمیته‌ی ڕێکخستنەکانی حزب له‌ ده‌ره‌وه‌ی وڵات، کۆمیتەی ڕێکخستنی ئەڵمانیا کۆبونەوەی خۆی ئەنجامدا.

سەرەتا، کۆبونەوە بە دەقیقەیەک ماتەمی و بێدەنگی بۆ یادی هاوڕێی کۆچکردوو هاوڕێ حەیدەر - بەرپرسی پێشووی کۆمیتەی ڕێکخستنی ئەڵمانیا- و سەرجەم شەهیدانی ڕێگای حزب و گەل، دەستی پێکرد و پاشان بەرنامەو کاری داهاتوو و کۆمەڵێک خاڵی گرنگ و تایبەت بە ڕێکخستن گفتوگۆی لەبارەوە کراو كۆمه‌ڵێك بریار هاتنه‌ دان.

هەر لەو کۆبونەوەدا، بەتێکڕای دەنگی لیژنه‌ی ڕێکخستنی حزب له‌ئەڵمانیا، هاوڕێ خەرمان ژنە تێکۆشەری دێرینی حزب وەک بەرپرسی کۆمیتەی ڕێکخستنی ئەڵمانیا هاته‌ هه‌ڵبژاردن.

چالاکی حزبی