ئەمە بڵاوبكەوە
FaceBook  Twitter  

 

رێگای كوردستان- دەربەندیخان

یەکێتی گشتی قوتابیان- ئۆفیسی دەربەندیخان، پشتگیری خۆی بۆ تەواوی داواكارییەكانی قوتابیانی پەیمانگای تکنیکی دەربەندیخان دەربڕی كە ئەمڕۆ سێشەممە، 11ی كانوونی دووەمی 2018، بەهۆی نەبوونی خزمەت گوزاری لە پەیمانگاكەیان خۆپیشاندانیان ئەنجامدا.

 

دەقی پشتگیریەكەی ئۆفیسی دەربەندیخان-ی یەکێتی گشتی قوتابیانی کوردستان:

 

قوتابیان توێژێکی گرنگی کۆمەڵگەن و بەشێکن له پێشکەوتن و خزمەتکردن بە هەر کۆمەڵگەیەک کە لێی نیشتەجێن.بۆیە دەبێت جگە لە پەروەردەکردنیان گرنگی بە کۆی ژیانیان بدرێت بۆ ئەوەی نەوەیەکی تەندرووست و خزمەت کار بە کۆمەڵگە بەرهەرم بهێنرێت.بەداخەوە له کوردستان و لەسایەی دەسڵاتی حکومەتی هەرێم کێشەکانی قوتابیان بەردەوامیان هەیەو بەشێک لەو گرفتانە پلانی حکومەتی هەرێم و دەسڵاتدارانی سیاسی خۆیانن.چونکە بەمە دەیانەوێت کەرتی گشتی نەهێڵن و کەرتی تایبەت گرنگی پێ بدەن و قوتابیان بچنە پەیمانگا تایبەتەکان بۆ درێژەدان بەخوێندن.ئەوە لەکاتێکدا جگە لەوەی کەرتی تایبەت و تەواوی پەیمانگا و کۆلیژە ئەهلیەکان موڵکی بەرپرسانی حزبین لە هەردوو حزبی دەسڵاتە.هەربۆیە ساڵانە قوتابیان لە تاو گرفتە سەرەتایەکانی وەک ئاو کارەباو ڕێگاو بان دێنە شەقام و خۆپیشاندان و ناڕەزایەتی سازدەکە.پەیمانگای تەکنیکی دەربەندیخانیش یەکێکە لەو ناوەندە گرنگانەی خوێند کە چەندین ساڵە گرفتی خراپی شەقامی سەرەکی پەیمانگایان هەیە و ساڵانە و لەوەرزی زستان هاتوو چۆی قوتابیانی ئەو پەیمانگایە سەخت دەکات.ئێمە لە یەکێتی گشتی قوتابیان جیا لەوەی ڕەتی پلانی بەتایبەتی کردنی کەرتی گشتی و هەنگاوەکانی حکومەتی هەرێمی کوردستان دەکەینەوە لەو بارەیەوە.پشتگیری داواکاری قوتابیانی پەیمانگای تەکنیکی دەربەندیخان دەکەین و داواکارین بەزووترین کات لایەنی بەرپرس بەدەم دواکاری قوتابیانەوە بچن.له ئەگەری جێ بەجێ نەکردنی ئەم دواکاریە ڕەوایەی قوتابیان بایکۆتی هۆڵەکانی خوێندن بکەن هەتا جێ بەجێ کردنی داواکاریەکانیان

 

 یەکێتی گشتی قوتابیانی کوردستان

ئۆفیسی دەربەندیخان

2018/12/11

 

  

 

 

 

 

 

چالاکی حزبی