ئەمە بڵاوبكەوە
FaceBook  Twitter  

حزبی شیوعی كوردستان به‌شداری گردبوونه‌وه‌یه‌كی كرد دژ به‌ بڕیاره‌كه‌ی ئه‌مریكا و بۆ شه‌رمه‌زاركردنی پشتكردنه‌ ڕۆژئاوا، ووتارێك پێشكه‌ش كرا كه‌ ئه‌مه‌ ده‌قه‌كه‌یه‌تی:

ئەوەی لە سەر ڕۆژئاڤا ڕودەدات پیلانێکی نێودەوڵەتیە بۆ لەباربردنی ئەو تاقیکردنەوە شۆڕشگێڕیە . وە داگیرسانی گڵۆپی سەوزە بۆ تورکیای داگیرکەر کە هێرشی دڕندانە بکاتە سەر خەڵکی قارەمان و خۆڕاگری کوردستانی ڕۆژئاوا ، لای هەمووان ڕونە کە تورکیا بەنیازە سیاسەتی پاوان خوازی پەرە پێبدات و لەهەمان کات ئەو ترسەی هەیەتی لەتوانا و ئیرادەی شەڕڤانان و خەڵکی شۆڕشگێڕ بڕەوێنێتەوە ، دیارە هێرش کردنە سەر ووڵاتێکی دراوسێ بەپێی هەموو عورف و یاسای نێودەوڵەتی کاری شەڕانگێزی و داگیر کردنە و قەدەغەیە و ڕێپێدراو نیە ، بەڵام ئێستا وەکو دەبینین بە بەر چاوی هەموو دنیاوە بەنیازی هێرشی گەورەی داگیرکاریە هەروەک لە عەفرین کردیان بە هاوپشتی چەکدارانی هەڵاتوی داعش و گروپە و تاقمە توندڕەوەکان ، ئەوەی جێگای قبوڵ کردن نیە کۆمەڵگای نێودەوڵەتی بێدەنگە لەو کارەساتانە و وورتەیان لێوە نایەت و خەڵکی کوردستانیش بەهەموو شێوەیەک جینۆساید دەکرێ . بەڕێزان دەبێ بزانین هەمیشە ووڵاتە زلهێزەکان بەتایبەت امریکا هەرگیز دۆستی گەلان نەبوە و نابێ بەتایبەت دۆزی کوردستان زەمەنێکی زۆر نیە بینیمان لە کرکوک و ناوچە دابڕاوەکانی باشور حکومەتی ئێراق بەهاوکاری ئێران و بە چەکی ئەمریکی و بەبەرچاوی دنیاوە بە ڕازی بوونی خودی امریکا چ هێرشێکی دڕندانەیان ئەنجام دا و چۆن ئەو شوێنانەیان داگیرکردەوە ، هەروەها سوپای تورکیای فاشی بە چ شێوەیەک کە دور لەهەموو بەها مرۆیەکان عەفرینیان داگیرکرد ، ئەمڕۆ ئەم کارەساتانە ئەوەمان فێر دەکات کە دەبێ پشت ببەستین بە ئیرادەی گەلەکەمان و هاوپەیمانی نێوان هێزە نیشتیمانی و شۆڕشگێڕو پێشکەوتوخوازەکان دروست بکەین دەبێ دڵنیابین هەر یەک لەووڵاتانی دراوسێ و ناوچەکە و ووڵاتە زل هێزەکان دوژمنمانن نەک دۆست بۆ هەر بەرژەوەندیێکی سیاسی یا ئابوری دەمانگۆڕنەوە ،

بەردەوام بێت ڕوحی شۆڕشگێڕی گەلی کوردستان سەرکەوتو بێت پرسی ڕەوای گەلەکەمان.

نەرمین نەجمەدین مامۆ

نوێنەری حزبی شیوعی کوردستان لە شاری یەڤلێ

2018-12-21

Image may contain: 5 people, people smiling, people sitting

چالاکی حزبی