ئەمە بڵاوبكەوە
FaceBook  Twitter  

رێكخراوی پیشەیی مامۆستایان – لقی هەولێر، بەهاوكاری كۆمیتەی پارێزگای هەولێری حزبی شیوعی كوردستان خەڵاتی رێزلێنان پێشكەش بە حەفتا مامۆستای خانەنشین دەكات.

رۆژی 19/9/2019 لە مەراسیمی كردنەوەی 13 هەمین كۆنفڕانسی رێكخراوی پیشەیی مامۆستایان كە لە هۆڵی شەهیدان لە عەنكاوە بەڕێوەچوو، خەڵاتی رێزلێنان پێشكەش بە پەنجا مامۆستای پەروەردەكارو دڵسۆزیی خانەشینی هەولێر و عەنكاوە كرا.

رۆژی 30/9/2019 لە بارەگای مەكتەبی سیاسی حزبی شیوعی كوردستان خەڵاتی رێزڵێنان پێشكەش بە شەش مامۆستای بەڕێزو دڵسۆزی دیكەی خانەنشینی كرا.

دە خەڵاتی تایبەتیش بە مامۆستایانی خانەنشین لە هەرسێ‌ قەزای رەواندزو شەقڵاوەو كۆیە، لە شوێنی خۆیان پێشكەشیان دەكرێت، چوار مامۆستای خانەنشین لە هەولێر بەهۆی نەخۆشیان لە ماڵەوەیان پێشكەشیان دەكرێت.

شایەنی وەبیرهێنانەوەیە لە تەمموزی 2009 رێكخراوی پیشەیی مامۆستایان وەكو قۆناغی یەكەم خەڵاتی رێزلێنانی پێشكەش بە 95 مامۆستای خانەنشین كرد.

بێگومان هەموو مامۆستایانی خانەنشین، شایەنی رێزلێنانن، بەڵام جارێ هەر ئەوەندە بەتوانای ئێمە ئەنجامدرا، جگە لە هاوڕێ و دۆستانمان ژمارەیەكی بەرچاو لە مامۆستایانی بێ لایەن و سەر بەلایەنەكانی تریش لەناو رێزلێنراوەكان بوون.

لە هەمووان پیرۆزبێت و هیوای تەمەن درێژیان بۆ دەخوازین.

چالاکی حزبی