ئەمە بڵاوبكەوە
FaceBook  Twitter  

..............1 ...............

پرسه‌ نامه‌ بۆ بنه‌ماڵه‌ی شه‌هید هیوا

به‌خه‌م و په‌ژاره‌یه‌كی زۆره‌وه‌ ئه‌م به‌یانییه‌ هه‌واڵی كۆچی دوایی ژنه‌ تێكۆشه‌ری ڕۆژه‌ سه‌خته‌كانی خه‌بات دایكی شه‌هید هیوا ( فاتمه‌ سه‌عید مه‌عروف ) مان پێگه‌یشت.

دیاره‌ ڕۆڵی به‌رچاوی ئه‌و ژنه‌ تێكۆشه‌رانه‌ له‌یاد ناكرێت له‌ سه‌ر‌ده‌می كاری نهێنی و پاشان خه‌باتی شاخ كه‌ فاتمه‌خان یه‌كێكه‌ له‌و ژنه‌ كۆڵنه‌ده‌رانه‌ و به‌خشینی یه‌كێك له‌ ڕۆڵه‌كانی به‌كاروانی شه‌هیدان(شه‌هید هیوا) له‌ پێناو نیشتمانێكی ئازادو گه‌لێكی به‌ختیار به‌نرخترین و به‌رزترین پله‌ی تێكۆشانه‌.

به‌ناوی سه‌رجه‌م هاوڕێیانمان له‌ ڕێكخستنه‌كانی حزبی شیوعی كوردستان له‌ده‌ره‌وه‌ی وڵات پرسه‌و ره‌خۆشی خۆمان ئاڕاسته‌ی هه‌ریه‌ك له‌ ئازیزان (گه‌لاوێژ و هاوڕێ و ئامانج و نه‌ورۆز ) و سه‌رجه‌م ئازیزان و هاوڕێ یانی ده‌كه‌ین.

گیانی شاد بێت و كۆتا ناخۆشی بێت.

مه‌كته‌بی كۆمیته‌ی ڕێكخستنه‌كانی حزبی شیوعی كوردستان له‌ ده‌ره‌وه‌ی ووڵات

4 ی ئایار 2020

..............2.......................

پرسەنامە

بۆ ئازیزان گەلاوێژ، هاوڕێ، ئامانج و نەورۆز

ئەم بەیانییە هەواڵی کۆچی دوایی ژنە تێکۆشەر" فاتیمە سەعید مەعروف" مان پێگەیشت، ئەم هەواڵە دڵگران و خەمباری کردین. لە کاتێکدا ساڵیک بەسەر کۆچی دوایی هاوسەرەکەیدا تێپەرنەبووە. ئەم ژنە خەباتگێرە هەر لەسەرەتایی ژیانی هاوسەرگیری لەگەڵ نایب عەبدوڵا ڕووبەروی سەختییەکانی ژیان بووەتەوە، ژیانی لە نێوان خۆشاردنەوە و دەربەربەدەری نێوان شار و شاخدا بردووەتە سەر و بەو پەڕی لەخۆبووردییەوە ئەرکی پەروەردەی منداڵەکانی لە ئەستۆ گرتووە. لە کاتی گەیشتنی هەواڵی شەهیدبوونی کورە پێشمەرگەکەی" شەهید هیوا" بە ورەیەکی بەرزەوە و بە شانازییەوە باسی لەم لەدەستدانە جەرگبڕەی دەکرد. ئێمە لێرەوە بە ناوی سەرجەمی هاوڕێیانی ڕێکخراوەی حزبی شیوعی کوردستانی لە وڵاتی سوێد پرسە و سەرەخۆشی خۆمان ئاڕاستەی ئەندامانی ئەم خێزانە خەباتگێرە، کەسوکار و هاوڕێیانی دەکەین، ئاواتەخوازین ئەمە دوا خەمتان بێت و جارێکی تر هاوبەشی خەمتانین. گیانی شاد و یادەوەرییەکانی هەمیشە زیندوو دەبێت لە دڵماندا

رێكخراوەی سویدی حزبی شیوعی کوردستان

چالاکی حزبی