ئەم هەواڵە بڵاوبكەوە
FaceBook  Twitter  

ئەمرۆ لە 1ی ئایار رۆژی جیهانی كرێكاران دژ بەسیستەمی سەرمایەدارو لێكەوتەكانی لەسەر رەوشی مافەكانی كرێكاران، بەدەستپێشخەری حزبی شیوعی كوردستان چەندین خۆپیشاندان ونارەزایەتی لە كوردستان بەڕێوەچوو، كە هەزاران كەس لەسەر داوای حزبی شیوعی هاتنە سەر شەقامەكان.

رۆژی دووشەممە 1ی ئایاری 2017 لە شاری هەولێرو لەكاتژمێر 10ی سەرلەبەیانی لەبەردەم هۆڵی گەل بۆ بەردەم باغی شار، بەئامادەبوونی سكرتێری كۆمیتەی ناوەندی و ئەندامانی سەركردایەتی و سەدان كەس لەكرێكاران و دۆست و ئەندامانی حزبی شیوعی خۆپیشاندانێكی جەماوەری بەڕێوەچوو.

لە خۆپیشاندانەكەدا دكتۆر كاوە مەحمود سكرتێری كۆمیتەی ناوەندی حزبی شیوعی كوردستان، لە وتەیەكدا پاڵپشتی حزبی شیوعی كوردستانی دوپاتكردەوە لە داكۆكی كردن لە مافەكانی كرێكاران، هەروەها راگەیاند، بە تێكۆشانی جەماوەری سیاسەتی نیولیبرالیزمی ئابوری حكومەتی هەرێم رەتدەكەینەوە، دكتۆر كاوە بژاردەی دەوڵەتی كوردستانی لەمرۆدا بە گرنگزانی لە پێناو خزمەتكردن بەكرێكاران.

لەلایەكی دیكەوە لە شاری سلێمانی بە دەستپێشخەری حزبی شیوعی كوردستان خۆپیشاندانێكی جەماوەری لە بەردەم باغی گشتی بە ئامادەبونی سەدان كەس و ئەندامانی سەكردایەتی و كۆمیتەی ناوەندی بەرێوەچوو.

لەشاری كەركوكیش حزبی شیوعی كوردستان بە هەماهەنگی لەگەڵ پارتە چەپ وكۆمەنیستەكان ورێكخاوەكانی كۆمەڵگای مەدەنی خۆپیشاندانێكی لە بەردەم چایخانەی مەجیدییە بۆ بەردەم پارێزكای كەروكوك ونوسینگەی پەرلەمانی عێراق ئەنجامدا .

ئەمرۆ بە بۆنەی یەكی ئایار رۆژی جیهانی كرێكاران لە شارەكانی ناوەراست وباشوری عێراق بەدەستپێشخەری حزبی شیوعی عێراق چەندین خۆپیشاندانی جەماوەری بەرێوەچوو، هاوكات ئەمرۆ لەسەرئاستی جیهان پارتە چەپ وكۆمەنیستەكان وسەندیكاكانی كرێكاران هەزران خۆپیشاندان بەرێوچوو بۆ رەتكردنەوەی سیستەمی سەرمایەداری وبنیادنانی سیۆسیالیزم .

دواتر زانیاری زیاتر بڵاودەكەینەوە.....

چەپ وكرێكاری