ئەم هەواڵە بڵاوبكەوە
FaceBook  Twitter  

 

هەوراز ئەحمەد

لە یەكی ئایار ڕۆژی جیهانی كرێكاران كۆمیتەی پارێزگایی سلێمانی حزبی شیوعی كوردستان لە بەردەم باخی گشتی شاری سلێمانی گردبونەوەیەكی ناڕەزایەتیان ئەنجامدا تێدا داواكاربوون ژیان گوزەرانی كرێكارانیان باش بكرێت.

لە گردبوونەوەكەدا بە سەدان دۆست و لایەنگری حزبی شیوعی و ژمارەیەكی بەرچاو لە كرێكاران و هاوڵاتیان بە ووتنەوەی دروشم و بە هەڵكردنی ئاڵای سور لە شەقامی مەولەویەوە بە خۆپیشاندان بە ڕێكەوتن بۆ نێوەندنی بازاڕی شاری سلێمانی و لەوێدا مەراسیمێكیان سازكرد لە مەراسیمەكەدا ووتاری كۆمیتەی ناوەندی حزبی شیوعی خوێندرایەوە.

لە درێژەی مەراسیمەكدا هەریەك لە هونەرمەندی سرود بێژ مامۆستا نەجم محمد و شاعیری ناسراو هەستیار جاف بەشداربوون، خۆپیشاندەران دووپاتیان كردەوە تاكو خەباتی كرێكاری سەر نەگرێت لە هەوڵ و تێكۆشان بەردەوام دەبن و ئاماژەیان بەوەكرد كە پێویستە حكومەت بێتە ژێر بار و واز لە چەوساندنەوەی میللەت بێنێت.

بە بەردەوامی حزبی شیوعی و چەپەكان لە ڕۆژی یەكی ئایاردا بە چەندین شێوە ناڕەزایەتی و خۆپیشاندانیان سازكردووە لە پێناو بەدەست هێنانی مافی كرێكاران بەڵام لە پاش ئەو هەموو ساڵە هێشتا كرێكران دەچەوسێنرێنەوە و داواكاریەكان دووبارە دەبنەوەو دەسەڵاتیش هەر گوێگر بووە.

چەپ وكرێكاری