ئەم هەواڵە بڵاوبكەوە
FaceBook  Twitter  

کۆشش بەکر

پێشنیوەڕۆی رۆژی دووشەممە ١ ی ئایاری 2017 لە باخی گشتی شاری هەڵەبجە بە مەراسیمێک ڕۆژی جیهانی کرێکاران بەرز ڕاگیرا .

مەراسیمەکە لە لایەن سەرۆکایەتی شارەوانی هەڵەبجە و بە هاوکاری حزبی شیوعی کوردستان و کۆمپانیای گایرێکس ئەنجامدرا .

لە وتارێکدا هاورێ نیعمەت مەعروف ئەندامی کۆمیتەی ناوەندی حزبی شیوعی کوردستان و بەرپرسی کۆمیتەی پارێزگای هەڵەبجە ڕایگەیاند "لە ئەنجامی بەردەوامی ئەم هەڵومەرجە وچەندین هۆكاری دیكە، هەرێمی كوردستان رووبەرووی قەیرانێكی قوڵی سیاسی وئابوری ودارایی دەبێتەوە، كەبەپلەی یەكەم سیاسەتی پەیرەوكراوی حكومەت لە رابردوو لێ‌ بەرپرسیارە، هەروەها لە لێدوانێکدا بۆ کەناڵی ڕێگا وتی "ژیانی کرێکاران ژیانێکی خراپ و قورسە و حکومەت لە ئاست داواکارییەکانی خەڵکی زەحمەتکێشدا نییە .

هاوکات یەکێک لە کرێکارانی ژینگە پارێز کە ئامادەی یادەکە بوو رایگەیاند سەرەڕای ماندووبونی زۆرمان بەڵام مانگانە لەکاتی خۆیدا موچەکانمان پێ نادرێت و مافمان پیشێل دەکرێت .

سەبارەت بە دواکەوتنی کرێی کاری کرێکارانیش سەرۆکی شارەوانی هەلەبجە دەڵیت هۆکارەکە بۆ قەیرانی دارایی حکومەتی هەرێمی کوردستان دەگەرێتەوە .

یەکی ئایاری ئەمساڵ لە کاتێکدا بەڕێوە دەچێت هەرێمی کوردستان قەیرانی دارایی و ئابوری تێنەپەڕاندووە و کرێکارانیش لە زیانمەندی یەکەمینی دۆخەکەن .

چەپ وكرێكاری