ئەم هەواڵە بڵاوبكەوە
FaceBook  Twitter  

هۆشه‌نگ كه‌ریم

هه‌ڵبژاردنه‌كانی به‌رایی له‌ هه‌رێمه‌كانی ئه‌ڵمانیا بۆ هه‌ڵبژاردنی (په‌رله‌مان) ده‌ستی پێكردووه‌و بڕیاره‌ هه‌ڵبژاردنی گشتی له‌ ئه‌یلولی داهاتوودا ئه‌نجام بدرێت.

ده‌نگده‌ران له‌ناو بانگه‌شه‌یه‌كی تووندی پارته‌كان به‌ره‌و سه‌ندووقه‌كانی ده‌نگدان ده‌ڕۆن و تووندترین ركه‌به‌ری له‌ نێوان سۆسیال دیموكرات و پارێزگاره‌كانه‌، به‌ره‌ی چه‌پ و ماركسی و ژینگه‌پارێزان به‌شێكی گرنگن له‌ پرۆسه‌ی هه‌ڵبژاردندا، یه‌كێك له‌و حزبانه‌ی به‌شداری ده‌كات (پارتی گه‌لی ئه‌ڵمانیا) یه‌و حزبێكی ماركسی – لینینی یه‌و ساڵی 1982 له‌لایه‌ن یه‌كێتی كرێكارنی شیوعی یه‌وه‌ دامه‌زرێنراوه‌ .

یه‌كێكه‌ له‌و پارتانه‌ی پێشوازی له‌ وه‌رگرتنی په‌نابه‌ران و ره‌خساندنی هه‌لی كار و ده‌سته‌به‌ركردنی مافه‌كانیان ده‌كات له‌و وڵاته‌و ته‌واوی ئه‌وروپادا .

پارتی گه‌لی ئه‌ڵمانیا له‌ بانگه‌شه‌ی هه‌ڵبژاردنه‌كاندا داوای ئازادی بۆ هه‌موو به‌شه‌كانی كوردستان و فه‌له‌ستین ده‌كات و پشتیوانی خۆی بۆ ئه‌و خواسته‌ ره‌وایه‌ی هه‌ردوو گه‌لی كوردستان و فه‌له‌ستین دووپات ده‌كاته‌وه‌ و به‌ مافێكی سروشتی زه‌وتكراوی هه‌ردوو گه‌لی ناوده‌بات .

 

چەپ وكرێكاری