ئەم هەواڵە بڵاوبكەوە
FaceBook  Twitter  

لە بەیاننامەیەكی هاوبەشدا ژمارەیەك لە حزبەكانی شیوعی و چەپ و سەندیكاكانی كرێكاران له‌ روسیاو وڵاتانی تری جیهان ، بەتووندی ئیدانەی دەستگیركردن و زیندانی كردنی كادیر و هەڵسوڕاوانی حزبی كرێكارانی شیوعی دەكەن لەلایەن پۆلیسی روسیاوە و داوای دەستبەجێ راگرتنی ئەو پێشێلكاریە نا مرۆڤانەیە و ئازادكردنیان دەكەن .

حزبی كرێكارانی شیوعی روسیا رایگەیاندووە: رۆژی 99 ی ئەم مانگەو لە ساڵیادی سەركەوتن بەسەر بەرەی فاشیەت و بەرزراگرتنی رۆڵا و قوربانیدانی سوپای سووری سۆڤیەت ، لە گۆڕەپانی سووری مۆسكۆ هاوڕێیان ( ئەلیكسەندەر باتوف – ئەندامی كۆمیتەی ناوەندی حزب و بی تیلكوف و نیجین نوڤگوردا ئەندامانی سكرتاریەتی یەكێتی لاوانی شیوعی شۆڕشگێڕ – بەلشەفی) لە كاتی دابەشكردنی بەیاننامەی حزب لەو یادە مەزنەدا لەلایەن پۆلیسەوە دەستگیركران.

لە بەیاننامەكەدا هاتبوو ئەو دەسەڵاتە بۆژوازیەی ئێستای روسیا مافی ئەوەی نییە خۆی بكاتە خاوەنی قوربانیە مەزنەكانی گەل و سوپای سووری سۆڤیەت و تەنها كرێكاران و جوتیارانی شۆڕشگێڕ میراتگری ئەو داستان و قوربانیە گەروەیەن كە لە جەنگی دووەمی جیهانیدا سوپای سوور بە رزگاركردنی مرۆڤایەتیان بەخشی .

لە بەیاننامەكەدا هاتووە : لەلایەن پۆلیسەوە رێگری لە هاوڕێیانمان كراوە بەردەوام بن لە چالاكیەكانیان و بەتۆمەتی بەرەنگاربوونەوەی پۆلیس بە 10 رۆژ زیندانی كردن مەحكوم كراون .