ئەم هەواڵە بڵاوبكەوە
FaceBook  Twitter  

موراد قەرەیلان، ئەندامی کۆمیتەی بەرێوەبەری پارتی کرێکارانی کوردستان (پەکەکە) رایدەگەیەنێت "توركیا لە عەفرین شكستی ھێناوە و دەبێ قبووڵی بكات".

موراد قەرەیلان، لە دیمانەیەكیدا رایگەیاند: "بەرخودانی عەفرین قوناخێکی نوێی لە تێکۆشانی ئازادیخوازی دەستیپێکردووە و بەرخودانی عەفرین لە بەرامبەر هێرشی داگیرکاری تورکیا و پاشماوەکانی داعش و بەرەی نوسرە سەلمێنەری ئەو راستییەیە کە کۆمەڵگایەك دەیەوێت بە ئیرادەی خۆی بژی".

قەرەیلان راشیگەیاند: "سەرکەوتنی گەل لە عەفرین مسۆگەرە، دەبێت دەوڵەتی توركیا شکستی خۆی لە عەفرین قبووڵ بکات، وێرای شەڕڤانان، گەل و یەکینەکانی خۆپاراستنی جەوهەری ئەوە پیشان دەدەن، کە عەفرین لە بەرامبەر هەموو ‌هێرشێکدا سەردەکەوێت، ئەگەرچی لایەنی دوژمن خاوەنی چەکی قورس و تەکنیك بێت، بەڵام ئیرادەی گەلی عەفرین سەردەکەوێت، گەلی عەفرین لە پێناو ژیانی ئازاد و سەرکەوتنی خۆی چی لە دەستبێت دەیکات".

لە بەشێكی دیكەی قسەكانیدا موراد قەرەیلا دەڵێت: "رووسیا و ئەمریکا ئاگاداری دۆخی عەفرین و هێرشەکانی سوپای تورکیان، ئەوان دەزانن کە عەفرین بەشێکە لە رۆژئاوای کوردستان، کە کوتایی بە داعش هێنا، ئێستا عەفرین لە بەرامبەر هێرشی تورکیا بەرخودان دەکات، بەرخۆدانی عەفرین پشتیوانیی رای ئازادیخوازان و چەپەکانی جیهانی بۆ لای خۆی راکێشاوە، بەڵام تائێستا هیچ دەوڵەتێك پشتیوانیی لە عەفرین نەکردووە، ئەمریکا و رووسیاش سەقاڵی چارەسەرکردنی کێشەكانی خۆیانن لەسەر گەلی کورد، ئەوە زوڵمە و مایەی قبووڵکردن نییە".

چەپ وكرێكاری