ئەمە بڵاوبكەوە
FaceBook  Twitter  

ڕۆژی سێ شەممە 8-10-2019 بە بەشداری ئەندامانی حزبی شیوعی کوردستان و عێراق و پارتی کۆمەنیستی کوردستان-باکوور و پارتی چەپی ئەڵمانیاو ڕەوەندی کورد لە ئەڵمانیا، لە سەنتەری بەرلینی پایتەخت بەرەو دەروازەی براندنبورگ ڕێپێوانی ناڕەزایی لەدژی هەڕەشەکانی تورکیا بۆ پەلاماردانی ڕۆژئاوای کوردستان و بێدەنگی ئەمەریکاو کۆمەڵگەی نێودەوڵەتی ئەنجامدرا.

ڕێپێوانەکە لەژێر دروشمی نا بۆ شەڕ بە بەشداری پەرلەمانتارانی پارتی چەپی ئەڵمانیا بەڕێوەچوو.

لەبەردەم دەروازەی براندنبورگ وتاری لایەنەکانی کوردستانی و ئەڵمانیا خوێندرایەوەو جەخت لەسەر گوشارخستنە سەر تورکیا کرا بۆ ئەوەی پەلاماری ڕۆژئاوای کوردستان نەدات، چونکە ئەو پەلامارە، هێرشە بۆسەر هەموو ئازادیخوازانی دنیاو بەرەی شەڕی دژ بە تیرۆرو خزمەتکردنە بە داعش.

وتاری پارتی چەپ لەلایەن باسکال ماینزری پەرلەمانتاری ئەڵمانیا خوێنرایەوەو ووێڕای پشتیوانی کردن لە دۆزی ڕەوای گەلی کورد بە گشتی و ڕۆژئاوای کوردستان بەتایبەتی، ئیدانەی هەڵوێستی ناڕەوای بەرژەوەندخوازی ئیمپریالیزمی ئەمەریکا کرا لەچاوپۆشین لە ملهوڕی ڕژێمە ملهوڕەکان و گوێ نەدان بە مافی مرۆڤ و ئازادی گەلان، داوا لە حکومەتی ئەڵمانیا کرا هەڵوێستی ڕوونی هەبێت لەبارەی پاراستنی ڕۆژئاوای کوردستان لە هەر هێرش و پیلانێک لە دژی سازبکرێت.

Image may contain: one or more people, people walking, people standing, crowd and outdoor

چەپ وكرێكاری