ئەم هەواڵە بڵاوبكەوە
FaceBook  Twitter  

ماوەی چوار ساڵە بەبێ پچڕان مامۆستا رابەر رەشید لە شارۆچكەی پردێ مانگنامەیەكی گشتی بەناوی (پردێی ئازاد) وەكو زمانحالی سەنتەری رۆشنبیری پردێ دەردەكات.

تاوەكو ئێستا 157 ژمارەی لێ‌ بڵاو كردتەوە.

مامۆستا رابەر رەشید وەكو رۆژنامەنوسێكی ئازاد و ئازاد، وەكو كەسایەتییەكی رۆشنبیر وەكو پێشمەرگەیەك، وەكو مامۆستایەكی دڵسۆزی قوتابخانە، وەكو خەمخۆرێكی(پردێی ئازاد) لەماوەی پانزە ساڵی رابردوودا بەهیچ شێوەیەك درێخی نەكردوە، بەهاوكاری ژمارەیەك لە رۆشنبیرانی شارەكە سەنتەرێكی رۆشنبیری كردەوە، بەهەمان شێوە رۆژنامەكەی دەركرد، رۆژنامەكەی كردە ئاوێنەی شار، بەردەوام بەبێ ترس زۆر بوێرانە رەخنە دەگرێت داخوازیەكانی خەڵك بڵاودەكاتەوە، لەوەتەی قەیرانی داریش دروستبووە ئەو لە زۆر لە حزبەكان ئازاترو دڵسۆزتربووە، بەهەر شێوەیەك بێت، توانی هاوكاری دارایی بۆ رۆژنامەكە دابینبكات و راینەگرت و دەنگە زوڵاڵەكەی بەردەوام بوو.

سڵاو بۆ مامۆستا رابەر رەشید رۆژنامەنوسە ئازادەكەی پردێ و كوردستان.

مەغدید حاجی