ئەم هەواڵە بڵاوبكەوە
FaceBook  Twitter  

ڕۆژ هه‌ڵه‌بجه‌یی‌

هه‌نار ئه‌خلاقێكی‌ كۆنی‌ هه‌یه‌..

هه‌ر هه‌تاو ده‌كاته‌ شه‌پقه‌ی‌ سه‌ری‌،

گۆره‌ووییه‌كانی‌ پڕ له‌مزری‌..

ده‌نكۆڵه‌ سوره‌كانیشی‌ ،

واده‌ی‌ عاده‌ شۆرینیه‌تی‌!

من كه‌ئه‌م ئه‌خلاقه‌ كۆنه‌ ده‌بینم،

جله‌كانم ده‌گرین،

جانتاكه‌م به‌شانمه‌وه‌ ده‌وه‌رێ،

سواری‌ هه‌نگاوه‌كانم ده‌بم و

ڕێگاكان پێوه‌ ئه‌ده‌م..

به‌په‌نجه‌ره‌كان ده‌ڵێم بڕۆن..

تائه‌خلاقی‌ هه‌نار كۆن بێ،

كۆتر ده‌ڕژێ و ڕیشۆڵه‌ ده‌كه‌مه‌ به‌ر..

ئێواره‌ له‌خۆم هه‌ڵئه‌كێشم و 

دیوار له‌ده‌سته‌كانما ده‌پشكوێ،

مردن به‌میمێكدا دائه‌به‌زێ!