ئەم هەواڵە بڵاوبكەوە
FaceBook  Twitter  

و.رزگار جەباری

ئەحمەد لە سەرەتای دەیەی پەنجای زایینیدا لە گوندی (( تنویە ))ی نزیك بەسرە هاتووەتە جیهانەوە و منداڵی هەر لەوێ‌ رابواردووە.لە چواردەساڵیدا دەستی بە هۆنینەوەی شیعر كردووە و لە كارە بەراییەكانیدا لە چوارچێوەی تەغەزول و هۆنراوەی عاشقانە دەرنەچووبوو. بەڵام هەر زوو گۆشە شاراوەكانی بەرەورووبووەنەوەی نێوان دەسەڵات و خەڵكی عێراقی بۆ ئاشكرابوو، هەر لە تەمەنی لاوێتیدا بە وەلانانی تەغەزول، پێی خستە نێو گۆڕەپانی پڕ مەترسی شیعری رامیاریی ناڕەزاییەوە. چونكە بە وتەی خۆی حەزی لێ نەبوو لە كۆڕی ماتەمیدا جلكی زاوایەتی لەبەر بكات!

لەسەرەتای شیعرە پڕ كەڵكەڵە و بەرزەكانیدا ( كە هەندێ جار لە سەد دێڕ تێدەپەڕی ) لە دانیشتن و بۆنە گشتییەكاندا دەیخوێندەوە. 

كرۆكی سەرەكی ئەم شیعرانە، بارودۆخی ئەو هاوڵاتییانە بوو كە حكوومەتە ملهوڕەكان، ئاسایشی ژیانیان لێ سەندبوونەوە.بە هۆی هەر ئەم چالاكییانەوە لە كاتێكدا لە نیوەی دەیەی سێیەمی ژیانیدا بوو، ناچار بوو لە عێراق هەڵبێت و رووبكاتە كوەیت.لە كوەیت وەك رۆژنامەنووس لە گۆڤاری (( القبس )) خەریكی كار بوو.پاش ماوەیەك هەرلەم بڵاوكراوەیەدا دەستی كرد بە بڵاوكردنەوەی شیعرە شۆڕشگێڕییەكانی بە ناوی (( لافتات )). هەروەها لە القبس بوو لەگەڵ كاریكاتێریستی گەورەی فەڵەستینی (( ناجی العلی )) ئاشنا بوو.

ئەم دووە هەر زوو لەگەڵ یەكدی هاودەمی ناخەكییان دۆزییەوە، بەجۆرێك لە زۆر پرسدا سەلیقەی چوونیەك و یەك بۆچوونیان دەردەبڕی.القبس لەو رۆژگارەدا یەكبینە بە شیعری ئەحمەد مەتەر لە لاپەڕەی یەكەم دەستی پێدەكرد و بە كاریكاتێرێكی ناجی عەلی لە دوا لاپەڕە كۆتایی پێدەهات.

بەڵام نارەزاییە توند و تیژ و شۆڕشگێڕییەكانی ئەم دووە هەمبەر بە حكومەتە عەرەبییە جیاوازەكان و سازشەكانیان و ناپاكییەكانی وڵاتانی عەرەبی، بووە هۆی ئەوەی دەوڵەتی كوەیت هەردووكیان لە وڵات وەدەربنێت و ئەم دوو كەسایەتیە ئاوارەی ئەم وڵات و ئەو وڵات بن. لە لەندەن.

ناجی عەلی لە تیرۆرێكی ناجوامێرانەدا شەهید بوو كە وای كرد ئەحمەد مەتەر، هاوەڵی دێرینەی خۆی لە دەست بدات.

ئەم رووداوە لێدانێكی روحی قورسی لێ وەشاند.ئەحەمەد مەتەر لە ساڵی 1968ەوە لە لەندەن نیشتەجێیە.لە دۆخێكدا كە ژیانی بەدەم ئازاری روحی و نەخۆشییە جەستەییەكانەوە بووەتە هەویر.لە مەتەر تاكو ئێستا دە كتێب بڵاوكراوەتەوە، سێ دەفتەری كەم قەبارە: 

دیوانی الساعە،العشاْ الاخیر، انا المعشوق اعلاه و حەوت دەفتەری شیعر بە ناونیشانی (( لافتات )).ئەمەش دوو نموونەی كورتە شیعری مەتەر: