ئەم هەواڵە بڵاوبكەوە
FaceBook  Twitter  

شیعری:

حەمە ئەحمەد جاف

ــــــــــــــــــــــــــــــــــ

لە ناختا ئازارو.. 

لە نیگاتا ژیان دەخوێنمەوە

ژیانێک ....

کە نەتتوانی لێی تێ بگەی؟

ئازارێک...

لە جەستەی،

لەرزۆکی سەماو...

دیسکۆی پێکە شەرابیەکانی وێ و

بێشکەی شکاوی

نیشتیمانێکی سەفەری

عاشق و مەعشوقە بێنازەکانی ئێرە!

ئەو عاشقانەی ،

حەزی نەوسنی کەنارو...

دڵی سپی دەریا

ئاوێتەی ئاوێنە شکاوەکانی تەمەن و....

دەرگا داخراوەکانی زەمەن و... 

شەفەقی شکۆفەی

خونچە و گەڵا هەڵوەریوەکانی 

نیشتیمانی پاییز یم ئەکاو...

جووتێ پێڵاوی، ...

جێماوی سەیدۆک و شێخ ئەنوەر

بەسەر شانی ، 

شەپۆلە توڕەکانی شەعب ومەچکۆوە 

بۆ پێی قڵیشاوی شاخ و شار دێنێ !؟

شاخ....

زەردەخەنەیەک بۆ مەرگ و...

شاریش..

فرمێسکێ بۆ ژیان

ئەو فرمێسکەی

سفرەی ژیان ...

بۆ مەرگێکی گەورە ڕادەخاو...

سروودی سروەو.....

لایلایەی نەسیم و .... گۆرانی ژیان

بۆ کوردستانی برین دەڵێنەوە!