ئەم هەواڵە بڵاوبكەوە
FaceBook  Twitter  

محەمەد رەنجاو

 

وەرە ؛ با بەیەکەوە ؛بە قوڵایی هەورەکانا شۆڕبینەوە

بەیەکەوە باوەش لەو هه ورە بە ین

لەو دیو هەورە جیوەییەکانەوە

سێبەری ئێمەیان زامدار کرد

لە ژێر نینۆکەکانمەوە سەر خەوێ بشکێنە ئەی سوریالیزم ئەی {غانا}

ئەی مەزنەکەی ئیسپانیا کە بەردەوام لەگەڵ {غانادا} جوت دەبوی

بێ مەزە شمپانیاتان دەخواردەوەو بە بیکاسۆ پێدەکەنین

هێی {دالی} شێتۆکەی رەنج بەخەسار

ئەوە { غانایە } لەگەڵ کورۆکان بەوتەمەنەوە لە حەوزاندا مەلە دەکا

پارەی تابلۆکانی تۆیان پێشکەش دەکا

دە تۆش وەک شەپۆل ؛خەون بە ڕۆخە لمینەکانەوە ببینە

منیش لەم ڕۆژهەڵاتە نەگریسەدا

کاتە وەنەوشەییەکان هەڵدەکۆڵم

لە ناو جامێک مەیدا ؛ لە چاوی تۆ دەخۆمەوەو

خەونە بەردینەکانت دەنێژم

سەفەرێک لە خەونەکانتەوە ئەی گول

ئەی {سلفادۆر دالی} هەمیشە سەرچڵ

سەفەرێک لە خەونەکانتەوە؛ بەرەو هەوارێکی ئەبەدی

هەوارێکی مەحاڵ

هەوارێک {جاکلین رۆک } بەدو ای { بیکاسۆ} دا دەگەڕێ

تا خە مەکانی سانتیاگۆی بۆ بگێرێتەوە

ئێمەش هەر لە سانتیاگۆ دەچین {خانی}

هەر لە شیلی دەچین

گوڵە پەژموردەکەی سلێمانی

''''''''''''''''''''''''''''''''''''''

ئیرە برینێکی ڕاخراوە

ئێرە دوا گینگڵ و دوا موچڕکەی لە بارچونی پاکیزەیەکە

کە دەمێکە کچێنی خۆی لەدەستداوە

ئێرە کوردستانێکی فرۆشراوو لێقەوماوە

ئەوەتا ئێستاس بە ناچاری چەندان ڕێگەی لێک ئاڵاوین

قەڵغانێکی پەککەوتەو ؛شمشێرێکی ژەنگاوی

لە بێشەرمی ئابڕوچونا داگیرساوین

گوێ لە هەناسەی ناو سینگی هەورەکان دەگرین

چاوشارکێ لەناو کۆڵانەکانی ئەو شارانەدا دەکەین

لە ژێر تۆفانەکانا نەغرۆ بوون

قەرا ؛؛ قەرا ؛ یەک

قەرا قەرا ؛؛دوو

ئەوەتا دیسان بە چنگە ئاویەکانمان ؛ سەری یەکتر گڕ ئەدەین

شە کەتیمان لە خەوێکی دوکەڵاویدا دەنێژین

لە ژێر ئەو ڕەشماڵانەی ؛بە ستونی هەڵم ڕاگیراون

شاپەڕی ماسیە رەبەنەکان ؛ ختوکەی گێسوو کەلەکەو لا مل و

شلکەی ڕانە تەزیوە کانت دەدا

ئەوەتا دوای نائومێدی و بەزین بە یەکەوە

سەرگەرمی ئاڵۆشە پیرۆزەکانین

لە جوانی تۆو ؛دزێوی خۆم

سەروەری ڕابوردوو ؛تێکشکانەکانی ئایندەمان

کیمیای شیعرو

لە ناو حیلەی ماینەکانی دوکەڵ

موچڕکەی حەزەکانمان دەچنینەوە

؛؛؛؛؛؛؛؛؛

ئای گیتارە شکاوەکەی ؛چاخی ڕیتمە دۆڕاوەکانی باپیرم

ڕابونەوە دادت نادا؛ئاوازە ژەنگاویەکانی تۆ جەستەی تینوم

ناخاتەوە کورەی سەما؛بێزارم بێزار

ئەوەتا بەتەنیاو بێزار؛لە ژێر دەریادا؛ئەشکەوتێ

بۆ خەونە بە جێماوەکانم ؛ ئەدۆزمەوە

ماڵێکی شکۆدار دروست ئەکەم؛خۆمان بە پۆشاکە ئاویەکان

گەرم دەکەینەوە

بە شەپۆلە دژەکان دەم و چاومان ئەشۆیین

لەگەڵ ماسیەکان دەبمە ئاشنا

تا ئەو ڕۆژەی نەهەنگێ دێ و؛مرۆڤ ئاسا قوتمان ئەدا

ژیان سەرابە سەراب ؛بەختەوەری سەرابە سەراب

لە ژێر نێڵەی هەورە تریشقەو ؛سامی ئەم هەموو چەقۆ ڕەشانەدا

 

بەردەوامبونیش مەحاڵە