ئەم هەواڵە بڵاوبكەوە
FaceBook  Twitter  

 چاو چاو نابینێت

هەڕەتێک

هەمومان لە دواین سڵاو کۆدەکاتەوە

یان

سەوزێکی تا ئەژنۆ مەرگ و

یان زەردێکی دوای کۆست

خەجاڵەتیە

لەم چلەی پرسیارو گوماندا

نان

هەر

تراویلکەو

خۆشی سەراب و

خەون کابوس

 

دڵ لە لێدان وەڕەزە

وەنەوزئ بۆ باوەڕ دروستکەن

سبەینەکان زۆر شلۆغترن لە دڵنەوایی

حەجمین دوا مەنزڵی

خۆی گرت

کڵاو ڕۆژنەیەک بۆ باوەڕ.

 

لەو ماڵە

برین هەر گەورەییەو

کراسی ڕەش داناکەنێت

لەو هەوارە

هۆبەیە نەماوە بۆ چاوڕەشکردنی بێری

بۆ داتاشینی ناڵی ئەسپەکان

دارێک

بۆ سێبەر

نەقیزەیە بۆ بە ئاگابون

چۆن مەملەکەتێکی تێڕامانە

هەرێمی من

 

با لە قەندیل دەست پێبکەینەوە

ئەمجارەیان

تفەنگێکی دەسک سورو

سەنگەرێکی سەوزو

نشتیمان لە چاومان هەڵگریین