ئەم هەواڵە بڵاوبكەوە
FaceBook  Twitter  

١

ماشێنەکەی حاجی قادر

وەرگەڕا.

کەچ بوو ملی هەیبەسولتان

داڕما قەڵای کوردایەتی.

٢

لە پەنجەرەی ماشێنێکەوە،

"حەماغا "، پەڕی؛

گڕیان تێ بەر بوو؛

مەزراکانی گوڵەگەنم،

٣

کوشینی پێشیوەی ماشێنێک،

بوو بە خوێن؛

داتەپی.

ماڵی مەقاماتی "ئەختەر".

٤

بۆ "مەلای گەورە "،

ماشێنێک،

بوو بە تابووت؛

لار بوەوە،

منارەی مزگەوتی گەورە.

٥

بارهەڵگرێک

" دڵدار" ی شێلا.

پسان،

ژێیەکانی قورگی

ئەی رەقیب.

٦

ماشێنەکەی ،

مامە " سێوە "

کەوتە کەندەڵانێک.

ئایشەگول . سەری نا لەقوڕ

بەدیواری کلێساوە،

لافیتەیەکی رەەش.

٧

لەژێر پێچکەی ماشێنێکدا،

هەلاهەلا بوو،

"شیرین بەهارە ".

درزی برد،

دیوارێکی قشڵە.

٨

نەجیبە خان و

فریشتەو

ئایشەگوڵوک

لەناو ماشێنیکا

بوون بە رەژوو

رەشپۆشن

ژنە شۆخەکانی کۆیە.

٩

رێی کۆیە

رێی هات و نەهات

رێی مەرگ و کارەسات

رێی کوشتنی؛

کوردایەتی و

شیعرو

نان و

مەقامات.

  • 1