ئەم هەواڵە بڵاوبكەوە
FaceBook  Twitter  

١

بەسەر تەنافی حەوشەکەمانەوە،

پایز؛

کزەباو

باران و

رووتی،

هەڵخستووە.

٢

ئەمشەو دەچمە بەر پەنجەرە..

چی پەرداخ وسوراحی و شوشەو پیالەی ماڵمان هەیە،

پڕیان دەکەم لە تریفە.

سبحەینێ زوو،

گەڵوو گوڵی ، ئینجانە خەوتووەکانی 

پێ ئاو دەدەم.

٣

لەبالکۆنەکەوە و بەتەنیشت خۆمەوە،

کورسییەکم داناوە بۆ ؛ 

هەور

کووپیک شیری گەرم بۆ؛

کزە

تەپلەکیک بۆ؛

قونچکە جگەرەی باران.