ئەم هەواڵە بڵاوبكەوە
FaceBook  Twitter  

بەردەوە

 وەرە باپێکەوە

لەسەرخوانێکی گەرم

پایز بخۆین

..........

خۆتم لێ مەستێنەوە

من لەو درەختانە دەچم

کە بەرەو ئۆکسجین رادەکەن

سێوەکەی دڵ ، تۆهەنارم بە!

........

بەکراسێکی تەنک

کەلەباڵی پەپولە نەخشینتربێ

بەسوخمەیەکی کراوە

دڵێکی دانەخراو

......

وەرە زوڵفت

بەلای شیعرمدا بەردەوە

کەتۆ دەبینم لەکەمەرتەوە

چاوم زاوزێی نیگایەتی

......

چیتر نیە

روانینم فێنک

بەرێتە قوڵایی چێژ

......

خۆمن

لەبەر لەشی گەرمت نەبێ

هەرگیز هاوینم خۆشناوێ

دەی باپێکەوە

لەسەر کانیاوە قەوزە گرتوەکە

قوڵپ بدەین

......

قۆڵت لەتەمەنم هەڵکێشە

بەزانستی جیوفیزیک رێکمخە

......

کەپێکەوە دەرۆین

شەرم بەرە کەناری مەرگ

بێدەنگیش داگرە

......

وەرە باپێکەوە

سێبەرێک بەرینە پەنا

با روناکی ئاوس بکەین

تا دەتوانی

پیریم خاوکەوە!

: