ئەم هەواڵە بڵاوبكەوە
FaceBook  Twitter  

شیعری : سوعاد ئەلسەباح

وەرگێڕانی : فەیسەڵ دێهاتی

چەند جوانە گەر بە هاوەڵی ماینەوە

هەموو ژنێک جاروبار پێویستی

بە هاوەڵە

پێویستی بە وتەی جوانە بیبیستێ

هەم بە چادرێکی گەرمی لە وشە دروست کرابێ

نەک بە رەشەبای ماچ و موچ

لەبەرچی هاوەڵەکەم...؟

بایەخ بە شتی بچوک نادەی

لەبەرچی ... گرنگی بەوەنادەی ژن دەیخوازێ ... ؟

هاوەڵم بە

من پێویستمە جاروبار لەگەڵتا

بەسەر گژوگیادا پیاسە بکەم

من پێویستمە جاروبار وێکڕا

دیوانە شیعرێک بخوێنمەوە

من وەک ژنێک بەختەوەر دەبم

گوێم لە تۆ بێ

لەبەرچی ئەی خۆرهەڵاتی بایەخ بەشێوەم دەدەی ... ؟

کل لە چاوەکانم دەبینی وعەقڵم نا ...؟

من وەک خاک پێویستیم بە گفتوگۆی

تەڕ هەیە

لەبەرچی هیچ لە مەچەکم نابینی

تەنیا بازنەکانم نەبێت ... ؟

لەبەر چی کرۆکی شەهرەیارت تێدا مایە ... ؟

هاوەڵم بە

لەم ئەرکەدا پیاوەتیت لێکەم ناکا

بەڵام نێری خۆرهەڵاتی ئەم رۆڵە

قەبوڵ ناکا

تەنیاو تەنیا قارەمانێتی دەوێ

لەبەرچی رووکارەکان تێکەڵ دەکەی و

ئاڵودە دەبی ... ؟

هەمو ژنێک لەسەر ئەم زەوینە

پێویستی بە سەدای زیرەکی و قووڵ هەیە

هەم خەوی سەر سنگی پیانۆ

یان کتێب ... ؟

گەرچی رەهەندی روناکبیری فەرامۆش دەکەی و

بەتەنگ چۆنی پۆشاکەوەی ... ؟

یاوەرم بە

من داوات لێناکەم شێتانە ئاشقم بی

داوات لێناکەم کەشتیم بیت وکۆشکێکم 

پێشکەش کەیت و

عەتری فەرەنساویم بەسەر ببارێنی 

کلیلی مانگم بدەیتە دەست ... !

ئا ئەوانە هیچیان بەختەوەرم ناکا

حەزەکانم بچووکن ... ئاوەتەکانم بچووکن

تەنیا ئارەزوومە چەند سەعاتێ

لەژێر ئاوازی بارینی باراندا

لەگەڵتا بێم و بچم

ئارەزوومە لە زەنگی تەلەفۆنێکدا

گوێ بیستی دەنگت بم

ئەوساکە دڵگیریم دەسرەوێ و

جاڕسبوون جێمدەهێڵێ .

هاوەڵم بە

من زۆر پێویستیم بە بەندەری 

ئارامی هەیە

من لەدەست چیرۆکەکانی عیشق ماندووم

هەروەها چاوچاوانێ

لە دەست ئەو سەردەمە ماندووم

کە پێی وایە ژن پەیکەرێکی مەڕمەڕەو

کاتی پێشوازی لێکردنم

بۆم بدوێ

لەبەرچی پیاوی خۆرهەڵاتی 

بیری دەچێ

کاتێ ژنێک نیواونیو ئاخاوتنی

بۆ تووڕ هەڵدا ... ؟

لەبەرچی لە ژندا هیچ نابینێ

تەنها وەک پاقلاوەیەک و

بێچوەکانی کۆتر نەبێ ... ؟

لەبەرچی سێوەکان لە درەختەکان دەکاتەوەو

لە دواتر بۆی دەنوێ