ئەم هەواڵە بڵاوبكەوە
FaceBook  Twitter  

نیوەی تەمەنی ئەوساڵانەی شۆڕش بۆتۆ بوو نیشتیمان 

دەمەوێت قسەیەك بۆڕوحی تۆبكەم

عەیامێكە دەمەوێ پڕ بەدڵی خۆم شیعرێكت بۆبنوسم كەشایەستەی تۆبێت

دەمێكە ڕەنجاوم

خۆم پەناگیركردووە

دووركەوتوومەتەوە لەبەرامەی ئاسوودەیت

دەمێكەحەز بەناوهێنانت ناكەم

لەبەرخۆمەوە ملی ئەوڕێگایانەدەشكێنم

كەشەهیدێك لێی هەڵەنگووتووە

دەستی ئەو دەوەنەدەبڕمەوە

كەدایكم نزای بۆعمری درێژی كوڕەكان ودەرچوونی مەفرەزكانی شۆڕش دەكرد

شەو كانیەكی قەندیل میوانم بوو

ئەو هەموو زامانەی هەڵوەرین

ئەوهەموو لاوك و بەستانەی لێ بەجێمان

ئەو هەموو نامەپێچراوانەی لێ سووتا ن

شەو درەنگ ڕۆیشت پێشمەرگەیەك كەمینی بۆ نایەوەكوشتی

كانی لەدەروازەی شۆڕش خنكا

كانی لەبەربەروچكەی هەتاو شكا

نیشتیمان ٢٧ساڵە( شیعرەم نایەتەوە ماڵ)

دڵێكم هەیە لێی بەجێماوە شكۆ

هەناسەیەكم هەمیشە بەدوای سیگاری دڵی تۆوە

زامی لەزامی دڵ گیربووە

نیشتیمان دەمەوێت بۆزراڤی تۆشیعر بنوسم

لەدەروازەی شۆڕشەوە لێم دەشكێ

دەمەوێت خۆشم بوێیت لێم دەشكێ

دەمەوێت شەهیدی ڕێگاكەت بم لێم دەشكێ

نیشتیمان تۆلێمان توڕەی

تۆدەمێكە زەبوونی

من دەمێكەتۆدەكوژم

ڕاستم بكەوە دێمە باوەشت

شەڕی هاتنەوەمە

زەنگی ڕاستبوونەوەمە

بۆچی ئێستا

هیچ ئینتیمای بۆتۆ نیە

بۆچی دڵم ژێر پێت نیە

بۆچی بۆكوشتنت سەرخۆشم ولەهەڕاجی تۆدا

هیچ شیعرێك وقسەیەكی ئاڵتوونیم نیە