ئەم هەواڵە بڵاوبكەوە
FaceBook  Twitter  

ببورە کە کەتۆ

ئاگری چاوەڕوانیت 

کردەوە،

من لەسوتان دوا کەوتم!..

هاتووم پێت بڵێم:

-۱-

بۆتەنها 

شەوێک لەباخی سینە،

هەنار کۆدی پایزی نەدامێ!

-۲-

بە کەوتنەخوارەوەی سێوێک

ئاگاداری کردم،

سروشت دڵم ڕاناگرێ!

-۳- 

لەکاتی پێگەیشتندا بوو

بەهێ گووتی:

بەلای گەڕەكی ئێمەدا

هەرمەیە!

-٤-

کانیاوی باخچەیەکی

پشت ماڵان

لەرەی مەمکی کچێکی

بەگـژ ئاوڕدانەوەدا کردم

وەک ئەوەی کفرم کردبێ

-۵-

کەزوڵفی بەردانەوە

ڕەشماربوون لەگەردنێدا

منداڵیم لە جێ حەپەسا!

-٦-

لەتاوی رووت

لەبەردوو چاوی مەخمورت

بێخانەولانە ماوە دڵ

مەگەڕ بڕۆم:

خۆم و تۆش بەجێ بهێڵم

تەنیایی لەگەڵ خوا بەشکەم!

-۷-

لەکەفچەڕێنی روبار

تەنکایی ئاوم دۆزیەوە

شەپۆلێکی زویر،

پەڕینەوەی نەدامێ!

-۸- 

چەند هێشویەکی

میهرەبان

لەدارمێوەکەی

بەر ماڵی خودا،

دەستیان راکیشام

مجێوری مزگەوت

پەشیمانی کردنەوە!

:::::::::::::::