ئەم هەواڵە بڵاوبكەوە
FaceBook  Twitter  

زاهیر ئیبراهیم 

ئێوارەی رۆژی شەممە لە قەزای رواندز رێكخراوی هاورێیانی كتبێب ئێوارە كۆڕێكی بۆ جەواد نەورۆز ئامادەكار وتوێژەری پەرتوكی وەستا ڕەجەب چەكسازی بلیمەت كەلێكۆڵینەوەیەكی مێژوویی و زانستیە لە بارەی چۆنیەتی دروستكردنی چەك و تۆپ لەلایەن وەستا ڕەجەب لەسەر دەمی میرنشینی سۆران سازدا .

جەواد نەورۆز لە كۆڕەكەدا باسی چەند زانیاریەكی نوێی لە بارەی وەستا ڕەجەب خستە ڕوو ناوبراو باسی لەوەكرد كە وەستا ڕەجەب كوڕی میر ئەحمەدە ،بەپێی لێكۆڵینەوەكەم سەرەتا لە رۆهەڵاتی كوردستانەوە بەدروستكردنی چەند جۆرێكی چەكی پەرەی بە تواناكانی داوە ، پاشان رووی لە كارگەی چەكسازی لە ورمێ و تەبرێز كردووە،بەڵام لە ژێركاریگەی هەستی نەتەوەییەوە ڕووی لە میرنشینی سۆران كردووە و لە میرنشینی سۆرانیش دەستی بە چەندین كاری گەورە كردووە لە ڕووی دروستكردنی چەك ".

جەواد نەورۆز لە لێكۆڵینەوەكەدا دەری دەخات كە " میر محەمەد لە ماددە كانزاكانی لە برادۆست بۆ وەستا ڕەجەب هێناوەتە روواندز بەمەبەستی داڕێشتنی لوولە تۆپ و گوللە هەروەها دەری دەخات كە بەهۆی ئەو چەكەوە میرنشینی سۆران خاوەن گەورەترین سوپابووە و ئەمەش بۆتە هۆی ترس و نیگەرانی ئەو كاتی عوسمانی و سەفەوەی ". 

ئەو توێژەرە ڕوونی دەكاتەوە كە تەواوی تۆپەكان لە سەردەمی میرنشینی سۆران لە كاولۆكان لە روواندز بەڕیز دانراون و ئاراستەكەی بۆ لای ئیمپراتۆریەتی عووسمانی بووە واتا باكوری رواندز ئەمەش وەك ئامادەكاری بۆ بۆ شەڕكردن لەگەڵ دەوڵەتی ".

لە بەشێكی تری توێژینەوەكە دا هاتووە " وەستا ڕەجەب چەندین جۆری چەك و تۆپی بە قەبارەی جۆراو جۆر بەرهەم هێناوە كە ژمارەیان نزیك 300 دانە بووە و تەواوی تۆپەكانیش لە كاولۆكان وەتا دەروازەی رواندز بەرامبەر دەوڵەتی بە ڕیز دانراوە بۆ بەرپەچدانەوی هێرشی لەشكری عوسمانی ".

هەر لە پەرتوكەكەیدا جەودا نەورۆز باسی لە چەندین وێستگەی ژیانی وەستا رەجەب و لایەنی كلتوری و ژیانی دانیشتوانی رواندز و میرنشینی سۆران كردووە ".