ئەمە بڵاوبكەوە
FaceBook  Twitter  

ئێوارە یەك ..بەم دوا پێکەوە دێمەوە لات!!

ئەمە ویستگەیەکە لەمەستییا ، نە شئە یەکی تر

بەمن ئە بەخشێت ...

.......

بە باڵای " با" دا چ عیشقێ بەدی ئەکەم جیا لەفڕین،

بە ئازاری گریانێکا چی ون ئەکەم ،

بەو تەمە ..گوشارێك بێ پڕ لەبارین...

دیدارێکە پڕ ئازارە بەدی نایە ..

چ هەوارێکە خامۆش ،

من ؛ بۆئەو ئازارە دێم و..

ئەویش بۆ من خەمێکە پڕ لە ژین..!

دێم تا ئەو بوونەی خۆشەویستی..

پڕ ناخێک ئاوێتەکا بۆئاسمانێك،

پڕ بێ لە ئەستێرە!!

ئاوابوونێك لە خۆشەویستی،

پەیامێکە زووتر بێ و بۆمنی بنێرە...

بەدی ئەکەم تا ئەم تاڵییە ..

عیشقی خەیاڵم بەتۆ بگا ،

چ پێکێکە بێ تۆ ، بەو ئازارە من مەست ئەکا؟!

بەم شەوە تا خەوی سەوزم ..

ئازاری دڵم ، لەم زەردبوونە بۆ تۆ ببا ..

تا ئەم کەوتنە ، پاییزێ بێ ..

گەڵای وەرینم سوجدەیە بێ بۆت...

تا ئەم خەزانە دوا هەوارێ بێ ،

پڕ گریان ، پڕ ڕوخان بێ ..دوور بێ بۆت!!!