ئەمە بڵاوبكەوە
FaceBook  Twitter  

 

جاران بەشیعر خەمی خۆم دەخستە سەر كاغەز،ئێستا كێ خەمی پەنجەكانی من بنوسێت؟

ئێستا كێ ترپەی دڵێكی شكاو دەبیستێ؟

جاران بۆگرتنی وێنەیەك ڕیشم دەتاشی وپرچم شانەدەكردودەستەسڕێكی ڕەنگاوڕەنگم،دەخستە یەخەی كراسە سپیەكەم،

ئێستا بەچاوێكی خەواڵ وپرچێكی ئاڵوسكاوو ڕیشێكی سپی،دەترسم لەوێنەگرتنم!

بۆ پرسەكانی هۆڵی پرسە،پێش خۆم دەدەن،

گوێم بۆ قەسیدەكانی پیری هەڵدەخەم،

لەدەنگی قەڵبەزەكانی كوێستان ناگەم،

جریوەی چولەكەم چەند ساڵێك دەبێت نەمبیستووە،

كاسیەتی تەسجیلەی ماشێنەكەم ،

جگەلەخالەقیەكی كۆن،بەئەنقەست گوێی لێدەگرم تا عیشقی نیشتیمانم لێ تێك نەچێت،

تا ڕوحی دایكم توڕە نەبێت،

تا هاوڕێكانم بزر نەبن،

تا شیعر جار جارە بێتە ماڵەكەم ولەگەردنم ببێت بەئاسوودەیی!

زۆر جار لەبیرم دەچێتەوە نوسین،

لەسڵاو كردنم لەنگیەك هەیە دەمەوێت چاكی بكەم،

دەمەوێت وەك جاران سپدەی ماڵەكەم لەكتێبێكی سەردەمی نیشتیمان بخوێنمەوە،

دەمەوێت سبەینان ،گوێ لەڕادیۆ بگرم و گۆرانیەكی علی مەردان ئاچوغم بكات،

حەزم لەوەرزش و ڕاكردنە،ترپەوخێرابوونی دڵم ڕێگەنادا!

سندوقەكەم قفڵەكەی دەشكێنم وا هەستدەكەم كلیلەكەیم برزكردووە،

نامەیەكی دڵداریم هەڵگرتبوو،سپێدە بێ دەنگی خوێندمەوە،چەند شێت بووم،چەند عاشقئكی سەرڕۆ بووم،

ئاخر بەسەرلوغمیشدا با دەچووم بۆژوان،

ڕێگە دڕك وداڵیش با دەڕۆیشتم،سڵم لەنەدەكردەوە لەمردن،

باكم نەبوو چ دەبێت باببێت!

زۆرم لەنامەكانی ناو سندوقەكە خوێندنەوە،

بەدەنگی ئەو كاتانە پێدەكەنیم،

بەگۆرانی وتێكستەكانی ئەودەم پێدەكەنیم،

وێنەیەكی شایی ولۆغانی ئەودەم چەند پێكەنیم،

بەڵێ زۆر پێكەنیم!

دەمەوێت شیعرێك بنوسم،

سەرابی ئەوینێك ڕێم لێدەگرێ وزەمەنی مێژوویەك دەمكوژێت!

ئاخر نەدەتوانم شەڕاب بنۆشم و

نەهەستێكیشم ماوە بۆ نیشتیمان؟!

٣١/١/٢٠١٩