ئەمە بڵاوبكەوە
FaceBook  Twitter  

م  ح

 

جارانی زوو كەمناڵبووم

سەربانی خانووە قوڕینەكەمان ،راكشانی چەندە خۆشبوو.

هەر

نیگای پانتایی ئاسمان وستێرك و رێگای كاكێشان بوو،

جارناجارێ داكشانی ئەستێرەیەك پڕبوولە كێشكردنی خەیاڵم ،

لەوساتانە ویستم وابوو

پەرچەمی پەیكەری پەیڤێك بە شانەی هەڵكشانی تەمەن دابێنم،

وەلێ ئەفسوس رەنگی شەرمنی منی نەخشاند بەم داخەوە،

من لە تابلۆی باڵای تەمەنمدا بەچاوێكم پێدەشتی بێدەنگی و شەرم و شەوم دەبینی ،

بەوی تریان خەوی ئەوینداری شۆخە كچێ..

لەولاشەوە دەیان گابەردی رۆژی هاوچەشنی شەوم ،ببوون بە ئەژدیهای هەڵلوشینی حەزەكانم..

بارانی گەلێ رۆژگار بەسەر كڵپەی بەتینی رۆینم دا باری و گڕی بەتینم. نەكوژایەوە ،نە فاشست و نە دیلی و نە سەرگەدانی

لەگەڵ لە گۆڕنانی هەر خەونێكم دەیانی دیكە دەپشكوت

ئێستاش كە تەمەن روو لەخەزانە

دڵم هەر مەیلی بەرە بەیانە.

تازە رەهێڵەی ئەڤینێك ئاسمانی بیری تەنیوم و هەرچەند دەكەم فەرشی سوری میوانداری ئەو عەشقەی من راناخات و بێشكەی حەزم راناژەنێ.

هەوەك ئەوەی منیش نەمەوێ بەهیچ كلۆجێ لە زیندانی دەربازم بێ....