ئەمە بڵاوبكەوە
FaceBook  Twitter  

 

دەریایەکی قوڵە،

کەشتیوان ون دەکا;

ئۆقیانوسی چاو!

ــــــــ

بە ماچێک،

دوو لێوی کۆکردەوە;

نیگار کێشی خەیاڵ!

ــــــــ

هەناسەیە،

هەڵینەمژم دەخنکێم;

عەشقی پیاوێک!

ــــــــ

لە سەر ڕێی سپێدەدا، 

ئاوڕشێنی گیا دەکات ـ

شەونم!

ــــــــ

بۆ شیڵەی ماچە،

لەدەوری گوڵ دەخولێتەوە;

پەپوولە!

ــــــــ

ورووژاوە،

ئەستێرەی ڕووتی بینیوە;

شەو!

ــــــــ

خۆی بە گەڵا داپۆشیوە ،

شەرم لە ڕووتبوونەوەی پایز دەکات -

باخچە.

ــــــــ

هێمن دەبێتەوە،

کە نغرۆی تێڕامانت دەبێت;

دەریای چاوەکانم!

ــــــــ

لە گوڵزاری لێو،

ئاودێری گوڵ دەکا;

ماچ!

ــــــــ

بە تریفەی گۆنا،

جاڕ لە تاریکی دەکێشێ;

خەرمانەی مانگ!