ئەمە بڵاوبكەوە
FaceBook  Twitter  

ئەو داڵغەیە دەمباتەوە بۆشكان

بەداڵغەی دروستكردنی جەنگێكی سپیم

میراسی ئەو برینانە دەخەمە سەر ناوچاوانی جۆگەكان

بۆ تەنیایی و بۆڕەوشی شكەستی دڵێك

ئەو جەنگە ئیدامە پێدەدەم

شكاوە لەبیابانی ژوانێك جێماوە

لە بەر دەرگەی ڕوناكیەك بزر بووە

لە هەڵاتنی شەرم و فرمێسكەكان ژیر نابێتەوە

شكا

بڕبڕەی نیگا فڕیوەكانی شكاوە

دەستم بەر نادەمەوە 

تا برینی تۆ دەبەمەوە ناو شیعر شكان دەخوێنم

تا دڵی تۆ دەبەمەوە ناو شیعر

هەر شكان دەخوێنم

لەڕۆخ 

سپیبوونی ئەو جەنگە

پیری زمان و شاشەی هەستە كامڵبووەكانی یادەوەری دەخەمە پێش شكانی تۆ

دەمێكە قامكی قامەتە قوڕاویەكان جەنگ دەكات بۆشكان

ئەو 

هێزی ئەوینێكی لێ شكاندووم 

خەریكە دەمكوژێ

ئەو دەروی ئەوینێكی لێ داخستووم

خەریكە 

دەبم سەراب

لەداڵغەی شەڕێكی جاویدانی دام

دەزانم

دەبێ بشكێم