ئەمە بڵاوبكەوە
FaceBook  Twitter  

پێش ئەوەی بمخوێنیەوە

لاپەڕەکانم ونجڕ مەکە،

من کتێبێکی سەر بەخۆم.

....................

جارێ تانەم لێ مەدە

وەرە قوڵایی تێگەیشن؛

ئەگەر توانای دابەزینت هەیە

من لەمەعدەنێکیترم و

بە زەردەپەڕ نوسراووم!

.....................

ئەو هەورازەی

لەدامێنەوە تەماشا دەکرێ

پشتی زۆر کەسی کووڕ کردەوە

سەرکەوتن؛

ئارەق و تینی دەوێ.

....................

بەئارەزووی تۆ ناشکێم

ڕەشەبا بەرگەی نەگرتووم

تابوومە درەختێکی بەردار؛

خۆم لەبەفری دەیانساڵ تەکاندووە

بیرت نەچێ،

ڕۆژگارێکی سەخت چاندوومی!

.....................

ئەوبەردەنیم،

هەروا بەئاسانی هەڵم بگری

چۆلەکەم پێ بکوژی.

.....................

بەهەڵەدا نەچی بتەوێ

بابەتی توڕەهات بنوسم

من پێنوسێکم ،گزنگم هەڵگرتووە،

بۆ شەپۆلەکانی دەریا