ئەمە بڵاوبكەوە
FaceBook  Twitter  

كامەران/ زانكۆی سەڵاحەددین

رۆمانووسی گەورە جیمس جۆیس ئەم رۆمانەشی وەكو‌و رۆمانەكانی تر جۆرە ئاڵۆزییەكی تیایە كە گەیشتن بەمانایەكی موتلەق‌و گەیشتن بەهەموو لایەنەپەنهانەكانی دەق گەلێك سەختە بۆیە قسەكردن لەمەر ئەم بەرهەمە ناوازەیە زۆر قورسە رەنگە زۆر بەسانایی توشی هەڵە ببیت ئەم پێشەكیەم تەنها بۆئەوەیە: بڵێم منیش وەكو‌و هەریەكێكی دیكە توشی هەمان حالەت ببم.

جیمس جۆیس, لەئۆلیسیس چیرۆكی دوو عاشق دەگێڕێتەوە كەقەدەری ژیان رێگەیان پێنادات بەیەكەوە ژیان ببەنە سەر, ئەوانە تەنها لەخەون‌و خەیاڵ بەیەكدی دەگەن, بەڵان دیار نییە چ هۆكارێك وای كردووە بەیەكدی نەگەن, لەم رۆمانەدا هەر زوو مەعشوقەكە ون دەبێ‌, تەنها عاشقەكە دەمێنێتەوە كەهەتا كۆتا لاپەرە تەنها ێەك دیمەنی خەیاڵ ئەویش ئەوكاتەی كەلەگەڵ خۆشەویستەكەی بەیەكەوە نووستون, كەئەمە هەمیشە تووشی دڵە راوكێی دەكات.

كاراكتەری سەرەكی ئەم رۆمانە كەبەدوای خۆشەویستە ون بووەكەیدا دەگەڕێ‌, بەڵام گەڕان‌و ماندووبوونەكانی بێ ئەنجام دەمێنێتەوە, لەم كاتانەدا كەتووشی نامۆبوون‌و تێكشكانی دەروونی بۆتەوە دەكەوێتە ناو بارودۆخێكی سوریالیانەو بێهودەیی, لەراستیدا دیار نییە داخۆ هەموو ئەم رووداوانە واقیعن یان خەون, بۆیە خوێنەر توشی ناتێگەیشتنێك دەكات, كاراكتەری سەرەكی هەنێ‌ جار دەبێتە پاشا, , هەندێجار دەبێتە هونەرمەند...ئیتر بەم شێوەیە رۆڵەكانی دەگۆردرێ‌. هەندێجاریش مرۆڤەكانی دەوروبەری لەشێوەی ئاژەڵ بەدیار دەكەون.

دوای ئەوەی دەچێتە مەیخانە‌و ماڵە سۆزانییەكان پێچەوانەی هەركەسێكی تر رووبەرووبوونەوەی لەگەڵ سۆزانییەكان كارێكی یەكجار قورس دەبێ, بۆیە لەراكردن زیاتر هیچ رێگەیەكی تری نییە, بەڵام لەهەر كوێیەك رابكات, ئەوا دیسان توشی سۆزانی تر دەبێتەوە, بەڵام لەراستیدا ئەوا سەر لێ شێوانیەتی نەوەكو شتێكی تر..

لەدواجار بۆی دەردەكەوێ‌ ئەو گەنجەی كەهەموو كات لەمەیخانە‌و ماڵە سۆزانییەكان دەبینی, ئەو گەنجەی هەمیشە غەمبار‌و بێ هیوا دەردەكەوت, ئەو گەنجەی هەمووكات سەرخۆشەكان گاڵتەیان پێ دەكرد‌و گەنجە كوریەتی.

لەدواجار بۆمان دەردەكەوێت ئەم رۆمانە هەرچەندە لەرووی بابەتەوە عاشقانە دەردەكەوێ, بەڵام دەتوانین وەكو‌و رۆمانێكی سوریاڵی بیناسێنین, هەروەها دەتوانم بڵێم ئەمە دوا خوێندنەوە‌و تێرامان نییە, دەكرێ خوێندنەوە‌و دەلالەتی تر هەڵبگرێ كەبەهەموو پێوەرێك پێچەوانەی خوێندنەوەی من بێ‌, ئینجا ئەمە تەنیا راوبۆچوونی منە سەبارە ت بەم رۆمانە, یانی مەبەستمە بڵێم ئەم نووسینە تەنیا راوبۆچونێكی ساكارە نەوەكو ڵێكۆڵینەوەیەكی زانستی بێ دەخوازم سوودێكم بۆ خوێندەوارانی كورد بووبێ‌.

تێبینی/ ئەمە دووەمین گوتارمە سەبارەت بەم رۆمانەی جیمس جۆیس كەبەشێوەیەكی جیاوازتر لەبارەیەوەم نووسیوە.