ئەمە بڵاوبكەوە
FaceBook  Twitter  

 

 

(نامەی سی ویەک تا چل) (٣١- ٤٠)

جەلالدەباغکردوویەبەکوردی

 

(٣١)

دۆستایەتیی هەردوو دەستمان..

لە دۆستایەتیی من و تۆ..

 بەهێزترە..

پاکژترو.. قوڵترە..

کە دەبووینە نەیاری یەک..

توڕەدەبووین..

مستەکۆڵەمان لە هەوادا بەرزدەکردەوە..

هەردوو دەستمان پێکەوە دەنووسان..

دەست لەملانبوون..

چاویان لە گەمژەییمان دەنوقان..

 

(٣٢)

نینۆکەکانی خۆشەویستیمان..

زۆر درێژبوون..

ئەرکی ئێمەیە..

نینۆکەکانی ئەڤینمان

 ببڕین..

ئەگەر نا سەرتدەبڕێ..

سەرمدەبڕێ..

 

(٣٣)

هەر جارێک دوای.. 

لێکجودابوونەوەی درێژ..

 ماچت دەکەم.. 

وا هەستدەکەم..

نامەیەکی بە پەلەی خۆشەویستی

  دەخەمە ناو 

سەندوقی سووری پۆستەوە..

 

(٣٤)

نامەکانم بۆ تۆ..

کورسیی قەیفەی گوڵڕەنگیننین

بێیت لەسەریان پشوبدەیت..

 نامە بۆتۆی خۆشەویستم نانووسمەوە..

تا پشوبەیت..بحەسێیتەوە..

من بۆیە بۆ تۆ دەنووسم..

تا لەگەڵم لەناوبچیت..

لەگەڵ خۆمدا.. بمریت..

 

(٣٥)

..خۆشەویستیی من بەرەوتۆ

 خۆی دەکوتێ..

وەک ئەسپێکی سپی وایە..

زین و سوارەکەی دەگلێنێ..

خانمەکەم..خۆ ئەگەرتۆ

تاسەی ئەسپت بزانیایە

دەهاتیەلام

دەمت پڕدەکردم ..لە گێلاس..

لە بستەی سەوز..

لە بادام.

 

(٣٦)

کاتێک تۆ دەچیتە چیا..

بەیروت دەبێتە کیشوەری بێ دانیشتوو

دەبێتە بێوەژنێک..

من لە دژی هەموو گەشت و گوزارێکم

دژی هەرچیم.. تۆ لە سنگم دوورخاتەوە..

 

(٣٧)

دوای منهەر پیاوێک..

 ماچتکات..

لەسەر زارت

تەختێکی گچکە لەترێ..

 دەدۆزێتەوە..

کە من چاندومە..

(٣٨)

کەمێک لە بیلبیلەی چاوەکانم دووربکەوە..

تا رەنگەکان لەیەکتری جیاکەمەوە..

لەسەر پێنچ پەنجەکەم هەستە

تا بزانمگەردوونقەبارەکەی چەندە..

باوەڕبێنم..

 کە زەوی خڕە..

 

(٣٩)

باران بەسەر هەردوکماندا دادەباری..

بە هەزاران جۆرگژوگیا..

لەسەر ‌هەردوو پاڵتۆکەمان.. دەڕوا..

دوای کۆچی تۆ..

باران تەنیا..

 بەسەر مندا دادەباری..

ئەوجا لەسەر پاڵتۆیەکەم.. هیچ نەدەڕوا.

 

(٤٠)

لەسەر لمی مەمکەکانت..

من گرمۆڵەم..

 ماندودەبم..

وەک منداڵێک

 لە رۆژی لەدایکبوونیەوە..

 نەخەوتبێ.

       نەخەوتبێ....