ئەمە بڵاوبكەوە
FaceBook  Twitter  

گەڵا جاف- گەرمیان

ئەمڕۆ یەكشەممە 29/ 9/ 2019 لەكتێبخانە گشتیەكانی گەرمیان، لە شارۆچكەی كەلاری ناوەندی ئیدارەی گەرمیان،پێشانگایەكی كتێب كرایەوە بۆماوەی 10 رۆژ بەردەوام دەبێت.

رزگار ئەحمەد، سەرپەرشتیاری پێشانگاكە، بە رێگای كوردستان راگەیاند، ئەمڕۆ یەك شەمە لەنێوەندی كتێبخانە گشتیەكانی گەرمیان لە شارۆچكەی كەلار وەك دەزگای هەورامان، بەهاوكاری دەزگاكانی رێنما وچوارچراو جەمال عیرفان وكتێبخانەی گشتی كەلار پێشانگایەكی كتێبمان كردەوە.

گووتیشی، كتێبەكان بریتین لەهەزار ناونیشان و زیاتر لە چوار هەزاركتێب بە زمانەكانی كوردی و عەرەبی و ئینگلیزی، لەبوارەكانی مێژووی و ئابوری و سیاسی و كلتوری و ئاینی و ژینگە و جوگرافیا و تەندروستی و ئەدەب و وێژە و چەندین بواری تر لەخۆدەگرێت.

ئەوەشی خستەروو، داشكاندن بۆكتێبەكوردیەكان لە 30% بۆ 50% یەو بۆ كتێبە عەرەبیەكان لە 40%داشكاندن كراوە و بۆ ماوەی 10 رۆژ بەردەوام دەبێت.