ئەمە بڵاوبكەوە
FaceBook  Twitter  

 

بەبەرچاوی بارانەوە

پێیەکانی خۆم لە ئاگر نا 

پەنجەکانم ورد کرد لەمەزەی شیعرێ

تاکو شەرمنی مانگ لەڕستەیەکدا هەڵخـەم 

گەڵاکانت تێر کـا لە ڕەنگ 

تاکو تینوێتی نەسیمی شیعر بشکـێ ...!!

ئێوارەیەک نامناسیەوە ..!

کە ..بــا...ڕستەیەکی منی لێ بەردەبێتەوە ڕوبار

غەریبانە ،

بە پەرچەمی شۆڕەبیەکەوە دەنوسێ

غەریبانە،

پێکەنینەکانی دەوەرێ ..

ئەو دەستەکانی پڕ دەبێ لە ترس ،

لەمەوسمی شەختەی نەریت ...!

تۆ نازانی ..

ئەو کاتە من چەندە دەشکێم ...!

کە بەیانیەک بەبێ ئاگـا پێیەکانی دەخلیسکـێ

لەسەر بەردە لوسەکانی بێدەنگیت ..!!

ئێوارەیەک نامناسیەوە ..!!

کە باخچەیەک چاوەکانی پڕ کردووە لە کـل 

کە ڕوبارێک دێتەوە لە سەمـا

کە وەفا دەستەکانی دەبەخشێتە پرچی تاڤگەو

بە کونی شمشاڵێکی زەرد هەڵگەڕاو...

من ئەو کاتــە جارێکی تر ،

دڵم نادەمەوە بە دڵڕەقـی شەختەوەو

بە دڵۆپە خاوەکانی باران ..

پێم خۆشە لە ڕستەیەکدا بمـرم 

لەکراسی ،

شیعرێکی کۆنم بپێچــە 

لەخەتەکانی گەڵای ڕێحانەیەک جێم بهێڵـە 

سێبەرەکەی تەڕ بێتەوە ،

بە ئێوارەیەکی جـاران ...!!!