ئەمە بڵاوبكەوە
FaceBook  Twitter  

 

لەدڵی ڕۆژئاوا

پۆڵێ پەری دەژین

هێندە شەیدای نیشتیمانن

گەڵای سنۆبەریکیان کردۆتە شانە و

چلە نێرگزیک بۆقردیلەی پرچیان

دڵداری ئەوان لەگەڵ سەنگەرە و

پەیمانیان مەرگی ئەبەدی

ئەوان بۆنی عەشق لە هەناسەی 

خاک دەکەن و

فرمێسکی غەریبی لەکۆشی 

دەریا دەرێژن

دەستە نەرمەکانیان بۆ قەدوبالای

هیچ کورە لاوێک نابەن

دەمێکە پەنجەکانیان لەگەردەنی

تڤەنگ ئالاوە 

کچە خاکیەکانی شەرڤان

لە بریسکەی چاویان ئاسۆ ڕوونە

لەخەندەی لێویان هیوا هەیە 

دڵیان لە دڵی کەس ناچی 

هێندە هۆگرن بەنێشتیمان

گیان دەبەخشن لەپێناوی