ئەمە بڵاوبكەوە
FaceBook  Twitter  

لەوانەیە وەکو گەرمیان

رۆژئاواش بخەنە ژێر خاک و هەڵیگرن

هەر بەخواستن

تورک سورەتی ئەنفال

لە عەرەبی برا وەرگرن

٭٭٭٭

لەوانەیە

جوگرافیای وڵاتی خۆمان

هەروەکو خۆمان نەناسین

دەرسیم و مهاباد یەک شار بن

هەڵەبجەو سەرێکانیش

دوو لقی.....

یان دوو جۆگەی یەک روبار بن.

٭٭٭٭٭٭

لەوانەیە

مێژوو هەریەک رۆژو شەوبێ

رێکەوتنی جەزائیرو

واژووی لۆزان

ئەوەی ترەمپ و تورکەکانیش

تەنیا خەوبێ

٭٭٭٭٭

لەوانەیە وەک دەعبایەک

بۆ بەرژەوەندی زلهێزەکان

لەم زەمینە مت کرابین

وەک جەنگاوەرێکی ماندوو

لەودیو پەردە

فت کرابین

٭٭٭٭٭

لەوانەیە

دیسان بۆ هەرزان فرۆشیمان

بڵێین ئەزموونە وانەیە

ئاخر بۆنا

لەوانەیە.