ئەمە بڵاوبكەوە
FaceBook  Twitter  

 

(۱)

نەبیستن

چەپۆک لەهەموو دیوارەکان ئەدا،

دەرگایەک نایەتە گۆ...

لەودیو دیوارەکانیشەوە،

مشتەکۆڵە جێدەمێنێ،

دەرگایەک دەست هەڵنابڕێ!!

(۲)

نەوتن

قەفەسەکان غەمبار بوون،

بۆ کەنەسمە و کەناری نا،

بۆ ئەو ڕۆژەی چڵی درەخت بوون..

کورسییەکان کفر هەڵدەچنن،

بۆ پاشاو دەسەڵات نا،

بۆ ئەو ڕۆژەی لقی درەخت بوون..

لێ درەخت هیچی نەوت!!!

(۳)

نابینا

نێچرێک بۆ ئەوەی ڕاو کرێ،

بەگیا دەڵێن /قۆڵ بکە بەقۆڵی بادا،

تانوقم بیت لەسەما..

بەکێڵگە دەڵێن/بچۆرە ناو کراسی داهۆڵ،

مێروولەکان گەنمیان ماندوو کردووە لەپاشەکەوتا،

باڵندەکە ڕاو کرا..بۆ ئەوەی لۆمەی،

گیاو گەنم کێڵگە نەکرێ،

چاویلکەی ڕەش نیشتەوە لەچاویان!!!!