ئەمە بڵاوبكەوە
FaceBook  Twitter  

لەدۆزەخێکی کریستالیدا،،،، خۆت ڕوتدەکەیتەوە

لە ناو شەبەقێکی سور سوردا خۆت ڕوتدەکەیتەوە

مەمکە مەرجاناویەکانت ،،، لە ناو کەفاوێکی لینج لینجدا پەرت دەکەی

لە ناو بازنەیەکی خوارو خێچدا 

کە هەر لە ڕوخساری کارمامزێک ی ڕاونراو دەچێ

ئاڵۆشەکانت دەچێنی

هەموو یادەوەریە ئیسفنجیەکانت

لە پەنای چنگە چرچ هەڵاتوەکانی گوماندا دەنێژی

ئەو ئاڵۆشانەی لە ناو گلانێکی برۆنزیدا ،، گەمان دەکەن

لە ناو بیرێکی قوڵدا ،،، کە مانگ چاودێرێکی برسیە 

ڕوخسارەکانی ختوکە ،،، جەفەنگی خۆیان دەکەن

،،،، ،،،،،،،، ،،،،،، 

ئەوەی لەناو بیرێکی قوڵدایە ،، کراسە بەخوێن شەڵاڵبوەکەی 

یوسف نیە 

ئەوە ستیان و فوستانە بە لەزەت شەڵاڵبوەکەی تۆیە

لە ناو فیردەوسیکی کەفاویدا 

لەناو چاوی تولە مارێکی ئیرۆساویدا

لەناو ئەو تاریکیە درەوشاوەی تۆدا گەماندەکا

کە لێواو لێوە لە هێڵە یەکتر بڕەکان

،،،،،، ،،،،،، ،،،

ئەو مامزە پەر لە پێیە

ئەو مامزە باڵدارە

حینگە شەلێ لە ناو تاشەبەردێکی هەڵامساودا دەکا

،،،،،،، ،،،،،،،، ،،،

ئەو بێدەنگ ،،، ،،، ڕەنگەکان لەناو سوتەمەرۆی کەڤاڵێکا جێدێلێ

کلۆ سەهۆڵەکانی جەستەمان

لە ناو تۆپەڵە بۆیاغێکی سور سوردا دەجێنێ ،،،، 

،،،،،،،،، ،،،،،، ،،،،،،،

ئەو فێڵمان لێدەکا 

ئەو لەناو گوزەرە تیشکێکی شەبەقدا، چاوە نوستوەکانی هەڵدێنێ

مرۆڤێکی سەرتاکانی مێژوە 

ئێستا زمانی بۆ وتن نەپژاوە ،،، هێماکانیش نازانێ

زمانی گۆ ناکا 

وەک مرۆڤی سەرەتاش لورە ناکا 

وەک گا نابۆڕێنێ

ئەو لە ناو لەزەتدا خەوتوە