ئەمە بڵاوبكەوە
FaceBook  Twitter  

(1)

لەعیشق ناحاڵیتر نییە،

عیشق ئەزموون دەکەین،

تامیهرەبانی باڵەفڕ بێ..

کەچی تێنەگەشتن لەوسەرەوە دێتەوە،

عیشق تەفسیر دەکەین،

تاڕق و کینە بچێتە زبڵدانەوە..

کەچی نەبیستن هەنگاو دەنێ،

کەڕی لەچاوەڕوانییا تەئویل و

قفڵ هەر گوارەی گوێ!!

(2)

لەعیشق کۆتاییتر نییە،

مەدلوولی عیشق مەحاڵە،

دال دال دانەوێ،

ئەگەر کەسێ عاشق نەبووبێ..

تکایە خودا باعاشق نەبین،

کەکاتێک عیشق چاو دەچێنێ،

کۆتایی فیکە دەکێشێ !!

(3)

لەعیشق نابیناتر نییە،

کەدەگاتە لێوی لوتکە

کەروێشکەی ئەو گیایە نابینێ،

(با) زیکری فێر دەکا،

فڕینی ئەو کۆترە نابینێ،

ئاسمان لەباڵەکانییا دەنوێ،

ئەو مێروولەیە نابینێ چەند بەسەختی،

واژۆی لەتێ نان دەکا..

عیشق هەر لەئەزەلەوە نابینا بوو،

بۆیە تابوتی خستە سەر شانی و

بووە جەللادی چیرۆک چیرۆکەکانی!

(4)

لەعیشق ئاگرتر نییە،

واتای دۆزەخمان نەدەزانی،

ئەوە عیشق بوو فێری کردین،

ئەم زەمهەریری ژیانە

ئەگەر عیشق نەبا،

نەلەئاگری ئاگردان دەگەشتین و

نەلەبەهەشتی گەرمادا،

خۆشەویستی خودا !!

ڕۆژ هەڵەبجەیی

21/9/2020