ئەمە بڵاوبكەوە
FaceBook  Twitter  

 

بوونی فەرهەنگ، قاموس بۆ هەر كۆمەڵگایەك زۆر گرنگ و پێویستە بەمەبەستی ئاشنا بوون و شارەزا بوون لە ماناومدلولی وشەی زمانێكی تر. قاموس بەكاردەهێنرێت وەكو فاكتەرێك بۆ فێربوونی زمانێكی تر، كە لەوانەیە زۆربەی تاكی ناو كۆمەڵگا،لە ژیانی رۆژنە بەگشتی بەتایبەتی لە كاتی گەشتكردن زۆر پێویستی پێبێت.

قامووس وەكو سەرچاوە بەكار دێت بۆ وەرگێرانی مانای وشە لە زمانێك بۆ زمانێكی تر جگە لە ئەركی سەرەكی كە بریتتیە لە پێناسەی وشە لەرووی زانستی و دەربڕین و لەرووی رێزمانییەكەی هەر لەبەر ئەم هۆیانە كاركردن ئامادەكردنی هەرقاموسێكی زمان كارێكی ئاسایی و ئاسان نییە،پێوستی بە ماندووبوونێكی زۆر دەبێت دەبێ ئەو كەسەی ئەم كارە دەكات شارەزایەكی باشی زمان هەبێت،لە هەمان كاتدا بەرپرسیارەتیش لە ئەستۆ بگرێت.

كاتێ چاو خشانێكم بە نێو قامووسی (صادق)دا كرد، كە لە عەرەبی – بۆكوردییە هەستم كرد كارەكە زۆر بە ووردی كراوە پەلەشی لێنەكراوە چ لە رووی زمانەوە یان لە رووی دەربڕینەوە،بەجۆرێك وشەیەك چەندین مانای لە خۆگرتووە، هەمووی ئاماژەی پێكراوە، هەموو كەسێك دەتوانێ وەرگێری هەر وشەیەكی عەربی بۆ زمانی كوردی دەستكەوێت، كە بە پێی پیتی ئەلف و بێی عەرەبی ریز بەندی بۆ كراوە،وشەكان بەهەردو شێوازی سۆرانی و كرمانجی وەرگێردراوە،ئەمەش سەلیقەو زانیاریەكی زۆر و ماندووبوونێكی زۆری دەوێت،هەر لەو قامووسەدا، رەچاو كردنی هەندێ وشە لەرووی كۆ و تاك كراوە، بەجۆرێك مانای وشەكان داڕێژراون كە زۆر بەی تاكەكان لە رژیانی رۆژانە بەكار دەهێنن وە بەتایبەتیش لە رووی ئەدەبی و میدیایی، لەدایك بوونی قامووسێكی ئاوا ئاسان نەبوو، شەونخونی 30 ساڵەی نووسەر بووە كەلێكنی باشی كتێبخانەی كوردی پڕكردۆتەوە.

لەم قامووسەدا مامۆستایەكی شارەزا رۆڵێكی گرنگی هەبووە لە دەوڵمەندكردنی بابەتەكەئەویش بەرێز مامۆستای زمانەوانی (جەلال زەنگابادی)یە، كەهاوكاری و گرنگی زۆری بە قامووسەكە بەخشیوە بەهۆی توانست و لێهاتووی، مامۆستای ناوبرا لە روو زمانەوانی، ماییەی دەست خۆشییە.

سادق رواندزی ناوی سادق حاجی جەوهەرە لە ساڵی 1964 لە شاری رواندز لە دایك بووە خوێندنی بنەڕەتی و ئامادەیی لەو شارە تەواو كردوە .

دەرچووی كۆلێژی ئادابە لە زانكۆی بەغدا ساڵی 1990 .

- بڕوانامەی ماستەری لە كارگێری و بەرێوەبەردن لە زانكۆی لوبنانی – فەرنسی ساڵی 2014.

-بڕوانامەی ماستەری لە لێكۆڵینەوەی مەیدانی تایبەتی بە زیندانەكانی هەرێمی كوردستان، چۆنیەتی بەرێوەبردن لە ژێر ناوی(هكژا تكلّم سجن المحگە)) بە زمانی عەرەبی وەرگرتووە ساڵی 2015.

-كۆمەڵە شعیرێكی بە ناوی (دڵ و خاك) ساڵی چاپ كردوە 2012

كۆمەڵە شعیرێكی بە زمانی عەرەبی ئامادە بۆچاپ.

-لە ساڵی 28/2/1983 وەكو پێشمەرگەیەكی ناوخۆ بەشداری لە خەباتی كوردایەتی كردوە لە ساڵی 28/3/1983 سەركردایەتی خۆپیشاندانی قوتابیان ئامادەیی رواندزی كردوە دژی بەعسییە شۆفێنییەكان سێ جاریش لەلایەن دەزگا داپۆلسێنەكانی بەعس گیراوە بە توندترین شێوە ئەشكەنجە دراوە.

دەست خۆشی لە برای بەرێزم كاك سادق دەكەم هیوای سەركەوتنی بۆ دەخوازم.