ئەمە بڵاوبكەوە
FaceBook  Twitter  

ولیەم سارۆیان ئەڵێت: (كاتێك بەرهەمێكی ئەدەبی وەرئەگێڕدرێت بۆ زمانێكی دی، پێویستە وەرگێڕەكە واهەست بكات كەخۆی بەرهەمەكە ئەنوسێتەوە.

بەكارهێنانی فەرهەنگ (قاموس) لەوەرگێڕاندا:

هەمیشە ئەوترێت وەرگێڕان رۆڵێكی باڵای هەیەو زۆر پێویستە بۆنزیككردنەوەی كۆمەڵگای نەتەوەكانی جیهان، وەرگێڕانیش تامێكی تایبەتی خۆی هەیە كە هیچ كەمتر نییە لەدەقە بنچینەییەكە، ئەگەر هات و وەرگێڕكە شارەزاو لێهاتو بو لەبواری وەرگێڕانداو توانای داهێنانی هەبو، بەتایبەتی وەرگێڕانی دەقە ئەدەبییەكان.

شارەزایی وەرگێڕ:

پێویستە وەرگێڕەكە شارەزاییەكی چاكی هەبێت و هەردو زمانەكە بەچاكی بزانێت و شارەزایی تەواوی لێیان هەبێت، ئەمجا سەلیقەی ئەدەبی هەبێت، چونكە بەبێ‌ سەلیقەی ئەدەبی وەرگێڕ ناتوانێت سەرنجی خوێنەر رابكێشێت بۆدەقەكەو تا كۆتایی بەردەوام بێت لەخوێندنەوەی بەرهەمەكە، ئەبێت وەرگێڕ كارێكی وابكات خوێنەر واهەست بكات بەرهەمەكە بەو زمانە نوسراوە كە پێی ئەیخوێنێتەوە، بەم پێیە پێویستە وەرگێڕ ئەو مەرجانەشی تیا بێت كەزۆر پێویستن بۆ وەرگێڕان، ئەویش (شارەزاییەكی تەواوی زمانەكەی هەبێت لەبوارەكانی وشەسازیی و ئیدیۆم و خواستن و پەندو ... هتد، بۆئەوەی بتوانێت هەمو دەستەواژەكان لەجێی خۆیدا بەكار بهێنێت.

بەكارهێنانی فەرهەنگ مەبةستی تەواوەتی نادات بەدەستەوە (فەرهەنگ تارادەیەك یارمەتی وەرگێڕ ئەدات) بەڵام واتای وشە لەفەرهةنگدا زۆر جار لەگەڵ ئەو بیرو هەستەی كەئەبێت بێتە ئەنجام نادات بەدەستەوە لەكاتی وەرگێڕانداو لەبری وشەیەك دەیان دەستەواژەو مانا لەدەقە بنەرەتییەكەدا دێت، هەرچەند وەرگێڕ بەهرەو و شارەزایی زیاتر بێت وەرگێڕانەكە درەوشاوەترو بەپێزتر ئەبێت، بۆیە پێویستە وەرگێڕ( واهەست بكات خۆی لەبەرهەمكەدا ئەبینێتەوە)، چونكە بیرو هەستی نوسەرەكە بە وشەو دەستەواژەو دارشتنی زمانی دوەم ئەگێڕێتەوە، واتا تەنها وشەكان ئەگۆڕدڕێن، بەلام بیرو باوەرو ئامانجەكە وەك خۆی ئەمێنێتەوە، پێویستە وەرگێڕ لەدەقەكە لانەدات و لەلای خۆیەوە  شتی بۆزیاد نەكات، واتا كارێكی وا نەكات بیرو رای خۆی بئاخنێتە ناویەوە.

وەرگێڕ بۆی هەیە سود لەفەرهەنگ ببینێ‌، بەڵام زۆر پێوستە ئاگای لەوە بێت كەدەقەكە وەربگێڕێتە سەر دەقێكی ئەدەبی نەك وەرگێڕانیكی دەقاودوەق كەتەنها لەدەقە بنەڕەتییەكە ئەچێت بێ‌ ئەوەی گیانێكی ئەدەبی بەبەردا بكرێت، چونكە ئەگەر وابێت ئەبێت بەدەقێكی وشكی زانستیانەو هێچی تر، خوێنەر ناتوانی چێژی ئەدەبی لێ‌ وەرگرێت و بەردەوام بێ‌ لەخوێندنەوەی.

دیسان پێویستە وەرگێڕ شارەزاییەكی تەواو بەرفراوانی لەزمانی دەقە بنەرەتییەكە هەبێت و هەمو لایەنێكی ئەو زمانە بگرێتەوە، چونكە لەوانەیە نوسەرەكە هەنددێك وشەی بێیانی بەكار هێنابێت، یان وشەو دەستەواژەی عامیانە، یان زۆر جار ئیدیۆم و خواستنی (استعارە) بەكار هینابێت، هەروا شارەزایی لە مێژو، ئایین، دابونەریت هەبێت كەزۆر پێویستن، زاراوەی واهەیە واتای روداوێك ئەبەخشێت نوسەر بەكاری هێناوە.

هەندێك لەو وشانەی لەوەرگێڕندا هاتون و وەرگێڕەكە قاموسی بەكارهێناوە:

دیك الرومی : كراوە بەكەڵەشێری رۆمی كەئەمانەش كوردییەكەیەتی( قەل، عەل، عەلە شیش، قەلەمون) ئەمەم لەسەر شاشەی تەلەفزیۆنی گوڵان بینیوە پێشی زیاتر لە 10 ساڵا.

رهان : بارمەتە، راستییەكەی (گرەوە)

الوعید: بەڵێن، راستییەكەی هەڕەشەیە (سەرۆكی كۆریا بەڵێنی داوە ئەگەر دۆسیەكەی بەرنە ئەنجومەنی ئاسایش ....) لەشاشەی تەلەفزیۆن خویندومەتەوە.

سوف أفتقدك: ئاخر دوایی بزرت ئەكەم راستییەكەی ( بیرت ئەكەم)

اتركنی: بەجێم بێڵە راستییەكەی (وازم لێبێنە، لێم گەڕێ‌) ئەمە حیواری فیلمێكی هیندی وەرگێڕدراوە كاتێك كوڕێك دەستی كچێكی گرتوەو رای ئەكێشێ‌، كچەكە هاوار ئەكات ئەڵێ‌: (میری هات چۆردۆ.. پەجاو پەجاو = دەستم بەردە ... ئەی هاوار ئەی هاوار)

انە رجل جزار : پیاوێكی گۆشت فرۆشە، كەمەبەستە راستییەكەی ( پیاوێكی خوێنڕێژە)

وحشتنی: توشی وەحشی گەراییت كردم = تەنیاتكردم یان بیرم ئەكردى )