ئەمە بڵاوبكەوە
FaceBook  Twitter  

شیعری : ئیبراهیم هەورامانی 

( هاتن )

هاتنی تۆ،

لە هاتنی هیچ کەس ناچێت.

کەدێی،

دوعا دەکەم،

ڕۆشتنت بیربچێتەوە!

*** 

(نان )

کاتێ کە،

لە مانگی یەکشەوە دەڕوانین،

تۆ برۆی یارت بیردەکەوێتەوە.

منیش،

قەراخە نان!

*** 

(وەرزی بەهار )

تۆ مەڕۆ؟

گەر تۆ بڕۆیت.

وەرزی بەهار،

جوانی لە کوێ بێنێت،

تا شانازی پێوە بکات!

***

( بیركردنەوە )

بیر،

لە پاییز دەکەمەوەو

تۆ نەبیت.

دەزانی،

پاییز بەبێ تۆ یانی چی؟!

*** 

( توانین )

من دەتوانم،

پاییز،

بکەمە بەهار.

ئەگەر،

تۆ لە لای من بمێنیتەوە!

*** 

(خۆشەویستی )

دەزانم،

دەڕۆیت! 

بەختی من وایە،

هەرکەسم،

خۆش ویست،ڕۆشت!

*** 

(ئاو )

زۆر،

له‌ته‌نیایی ده‌ترسم.

ده‌زانم نامكوژێ!

به‌ڵام،

ئێسقانم 

ده‌كات به‌ئاو.

***

(سەدساڵا )

گه‌ر نه‌ڕۆشتبای،

دڵم،

به‌شی سه‌دساڵی تری ده‌كرد!

*** 

(وێنە )

هەرچەندە،

مانگ هەڵنەهاتوە.

هێشتا،

شەوەکان ڕوناکن.

وێنەکەی تۆ هەر بەدیواری ژورەکەمەوە هەڵواسراوە!

*** 

( پاییز )

پاییز،

واتە؛

چاوەڕوانی هاتنی تۆ!