ئەمە بڵاوبكەوە
FaceBook  Twitter  

سازدانی: هێرش مەغدید

زۆرن ئەوانەی هەر لە منداڵییەوە دەچنە نێو دونیای رەنگ و خولیای دروستكردنی وێنەو نەخشی جیاواز دەكەوێتە هزریانەوە، یەكێك لەوانە خاتوو ساوێن-ە كە بۆیەو رەنگ و ستایلێكی تایبەت بەخۆی بۆتە یەكێك لە پارچەكانی نێو دونیای هونەر، وەك خۆی دەڵێ‌ من خۆرسك فێری ئەو هونەرە بوومە‌و بەشێوەی ئەكادیمی نەمخوێندووە. ساوێن لە منداڵیەوە خولیای وێنەكێشان بووە بەڵام لە ساڵی ٢٠١٣ دەستی كردووە بە كێشانی وێنەیەك لەسەر دیواری مەكتەبەكەی كە كارێكی زۆر جوان بوو بە لایەوە، وەك خۆی دەڵێ‌ ئەمە وایكرد كێشانی ئەو وێنەیە ترسی بشكێنێ‌‌و ببێتە هەوێنی دروستكردنی تابلۆكانی ئێستای.

ساوێن وەكو یەكێك لە كچە بەهرەمەندەكان، ئۆفیسێكی تایبەت بە دروستكردنی ئەو تابلۆ‌و نەخشانەی داناوە‌و دەڵێ‌ من بەو شێوەیە لەسەر پێیەكانی خۆم وەستاوم‌و رۆژانە ئیشی تیادەكەم، 

هەروەها دەڵێ‌: من لەسەر تەڵەبی خەڵك ئیش ئەكەم رەسمەكانم بۆ ئەنێرن و بۆیان دروست ئەكەمەوە. كاتێك لێمان پرسی خەڵك چۆن رێز لە كارەكانت دەگرێت، ساوێن دەڵێ‌: سوپاس بۆ خوا زۆر رازین لە ئیشەكانم. ئەگەر شكست بێنم واتە نزیكتر بوومەوە لەخەونەكانم، ئەگەر سەركەوتوو بوم واتە كاتێكی قورس دێتە پێشەوە، كاتی دەست پێكردنی خەونێكی تر..! هەرگیز لەشوێنی خۆت مەوەستەو بەردەوام بڕۆ زۆر شتی تر چاوەڕێتە.

‎ساوێن دەڵێ‌: تۆ گەر دەتەوێ بەو ئامانج و كارە گەورانەی ناومێشكت بگەی دەبێ زۆر ئازار بچێژی هیچ شتێك ئاسان نییە و هیچ شتێكیش نییە كە مرۆڤ نەتوانێ بیكات...بەڵام ئەوەی كە پێویستە ئەوەیە تۆ هەوڵبدەی، بكەویت، كۆڵنەدەیت و بەردەوام بیت و پشت بە خۆت و تواناكانت ببەستیت و دواتریش لەكۆتایدا زەدەخەنەیەك پێشكەش بەوانە بكە كە باوەڕیان بەكارەكانت نەبوو.

No description available.

No description available.

No description available.

No description available.

No description available.