ئەمە بڵاوبكەوە
FaceBook  Twitter  

 

پرسیارە بێ وەڵامەکان

(1)

تەماشام دڵۆپە دەکا،

تاپێشگەشتنی هەنار، 

باران چەند لێمانەوە دوورە؟

(2)

تلبوونەوەی ڕووناکی،

بۆ باڵی پەپوولە جگە 

لەکوشتن چی چێدەکا ؟

(3)

دەمێکە لەبیرم چووی ،

نازانم کەی پێڵاوم بۆ ڕووبار دانا ؟

(4)

پرسەی هەنگ لەکوێیە،

گوڵ تائەژنۆی ڕەشەبا،

سەری نەویدەکا ؟؟

(5)

باران باڵ،باڵ دەخلیسکێت

لەهەناسەسواری چەتر،

یان لەدەستکێش بێباکە؟

(6)

ژوورە تاریکەکە گریا،

ستیانی ژنێک چەند ئەمپێرە؟؟

(7)

گوڵ عیشقی تەئویل کرد،

دڕک چیبکا لەهەر پێچی پێچەوانەیەکا،

شکۆفە تژی لەپێکەنینا؟؟؟

29/11/2020