ئەمە بڵاوبكەوە
FaceBook  Twitter  

 

بە وشەی بڤە گۆشکرام

شیری ترس م دەرخوارد درا

لەبێشکەو جۆلانەی ترسا

ڕاژەندرام

بەترسەوە

گاگۆڵکێ ودارە دارەم کرد

بەشەولەبان و ئایشی گوێدریژ و

گورگانە شەوی

بێدەنگ کرام

ترس لەباوک و دایک

لەخواو دۆزەخ وشمشێر

لەنەریت وئەفسانەو خەرافات

لەو پۆلیسەی

بەجل وبەرگی ئەفەندییەوە

ئەهاتە ناو پۆلەوە

لە یاساو ڕیسای بێزارکەر

لەپۆلیس وسیخوڕی سک لەوەڕێن

لەفەرمانبەری پەڵپ وبیانوگر

لەخەڵکی درۆزن و ڕیاکار

ترس لەو دزانەی بەدەستکێشی یاساوە

بێ ئاگاو بێ تاوان ئەخەنە زیندانەوە

ترس لەناو هێنانی سەرۆکی حزب وحکومەت

ساڵی 2000