ئەمە بڵاوبكەوە
FaceBook  Twitter  

دیمانە- كامەران حاجی ئەلیاس

 هونەرمەند ئەحمەد زەهاوی: دەبێ شوێنی دانانی پەیكەر، لەسەر بنەمای زانستی بێت

هونەرمەند (ئەحمەد مستەفا زەهاوی) لە ساڵی 1962 لە شاری خانەقین لە دایك بووە، دەرچووی ئەكادیمیای هونەرجوانەكانی بەغدایە،لە زانكۆی سەڵاحەدین بڕوانامەی ماجستێری لە ژێر ناوی "جوانكاری و تەكنیكی لە كاری هونەرمەندانی پەیكەرسازی كوردستان" وەرگرتووە . پەیكەرەكانی زیاتر واقعین ، بەشداری چەندین پیشانگا و فیستڤاڵی لەسەرئاستی ناوخۆ و دەرەوەی كوردستانی كردوە ، ئێستا مامۆستایە لە كۆلیژی هونەرە جوانەكانی هەولێر بۆ زیاتر ئاشنا بوون بە كارەهونەرییەكان و ئەم دیدارەمان لەگەڵیدا ساز داوە.

* بەرێزتان هونەرمەندێكی ناسراون بەڵام پێمان باش بوو بۆ خوێنەرامان ، زیاتر باس لە ژیانی هونەری خۆت بكەیت.

- ناوم هونەرمەند ئەحمەد مستەفا زەهاویە لە ساڵی 1962 لە شاری خانەقین لە دایك بووم دەرچووی ئەكادیمیای هونەرجوانەكانی بەغدام بەشی پەیكەتارشی ، لە ساڵی 1988 بڕوانامەی بەكەلۆریسی لە هونەری شێوەكاری بەدەست هێنا،دواتر لە زانكۆی سەڵاحەدین بڕوانامەی ماجستێرم وەرگرتووە .. بەشداری چەندین پیشانگا و فیستڤاڵ لەسەرئاستی ناوخۆ و دەرەوەی كوردستان كردوە، پەیكەرەكانم لە چەندین شوێنی جیاجیا كوردستان دانراوە.

* زۆربەی هونەرەكان پەیوەستن بە بەهرە ،سەرچاوەی بەهرەكانی تۆ بۆ پەیكەرەكانت چین؟

-زۆربەی پەیكەرەكانی من ،لە فلكلۆرو كلتوری كوردی سەرچاوە دەگرن.

*كێن ئەو پەیكەرتاشانەی ،كاریگەریان لەسەر بەرێزتان هەبووە؟ یاخود سەرسامی بە كارەكانیان؟

-زۆرن ئەو هونەرمەندانەی كە،كاریگەرەیان لەسەر من هەبووە بۆ نموونە لە كوردەكان ،مامۆستا دارا حمە سعید، لە عێراقیەكان مامۆستا محەمەد غەنی حیكمت و مامۆستا ئیسمایل فەتاح وە لە جیهانیەكان زۆر سەرسامم بە كارەكانی هونەرمەند جاكو منی روداو.

* كامەن ئەو بابەتانەی بۆ پەیكارەكانت هەڵدەبژێت ؟

- ئەو بابەتانەی دەبنە،پۆرتریت زیاتر كوردین وەكو سەركردەكان ،شاعیران ، ژنیاران...

*پەیكەرەكانت زیاتر واقعین ، یاخود لە خەیاڵین؟

-ئەوەی راستی بێت ، زۆربەیپەیكەرەكانمزیاترلەواقع نزیك نەوەك لە خەیاڵ.

*ئاستی هونەری پەیكەرتاشی لە كوردستان چۆن دەبینی؟

- ناتوانین بڵێن هونەری ئاستی پەیكەرتاشی لە كوردستان زۆر باشە،بەڵام تا رادەیەك باشە.

*كێشەو گرفتەكانی هونەری پەیكەر تاشی لەكورستان چین؟

- گرفتەكان زۆرن ، بەڵام كێشەی سەرەكی بریتییە،لە نەبوونی كارگەیبرۆنزە لە كوردستان.

*بە بۆچوونی بەرێزتان ،شوێنی دانانی پەیكەرەكان لە شارەكانی كوردستان شوێنی گونجاون؟

- شوێنیدانانی پەیكەر،دەبێتلەسەر بنەمای زانستی ولێكۆلێنەوەبێت ،واتە دەبێ رەچاوی پانتایی شوێنیپەیكەر،بابەتی پەیكەر،مادەیپەیكەر،قەبارەیپەیكەر،فۆرمی پەیكەر..بكرێت، بەداخەوە هەندێك لە پەیكەرەكان ، لە شوێنی گونجاو دانەنراون.

*ئاواتی بەرێزتان چیە؟

-ئەوەی راستی بێت،ئاواتمە هونەری كوردی لە ڕیگای كلتور و فلكلۆری كوردی، بگاتە ئاست هونەری جیهانی.

 No description available.

No description available.