ئەمە بڵاوبكەوە
FaceBook  Twitter  

چه‌ند ڕۆحێكی نیگه‌ران بووین

به‌سه‌ر پشتی كه‌شتیی نێو گه‌رداوی ده‌ریا

شه‌پۆل هه‌رچۆنێكی بوێ

ئاوا بۆ لای خۆیا ئه‌یبا

یه‌كێ ئه‌یویست له‌ هیندستان

بگا به‌ ڕیتمی كانفانا

یه‌كێكیشمان ئه‌یویست بگا به‌ بوخارا

بتوێته‌وه‌ له‌ نیو دێری پڕ نهێنی

سه‌فای پڕ میهری نێرفانا

یه‌كێ به‌ دوای رزگاربوونی

له‌ خاچی خه‌مڕێژكراوی جودایی

یه‌كیكیشیان برینی خۆی ساریژ بكات

به‌ هه‌مایۆنی خودایی

ژیان وێرانی كردبوون

دڵیان پڕ بوو له‌ مۆرانه‌ی ڕه‌شی گومان

منیش ئه‌مویست بگه‌م به‌ ئاوه‌ دووره‌كان

راكه‌م له‌ده‌ست ئازاریی ئه‌به‌دیی هزر و

خه‌می سه‌د ساڵه‌ی نیشتیمان

چه‌ند رۆحێكی نیگه‌ران بووین