ئەمە بڵاوبكەوە
FaceBook  Twitter  

نووسینی سەلام عومەر

رۆمانی (خاك لەنێو دەریا) گەیشتە دەستی خوێنەران، لەنێو ئەم رۆمانەدا خەیاڵ كۆمەكی بیرەوەریەكان دەكا، هەروەك (كوندێرا)ی رۆمان نووس پێیوایە: (تاقە شتێك كە هەقە بیكەین، ئەوەیە چیرۆكی خۆمان بە كۆمەكی خەیاڵ بگێڕینەوە، بەدەر لەوە هەر چییەكی دیكە بكەین، بە هەدەردانی توانایە).

لەنێو یەختێكدا تۆفان لولمان دەدا راكردوەكانیش لەم نێوانەدا و بەر لەخنكان بیرەوەریەكانیان دەڕژێتە نێو دەریاوە هەموو خاكێكیان بۆ دەبێتە نیشتمان، گەلێك لە بەردەپان هەڵدەڕژێ‌ و نیشمانێك لە سەراپگەرم دەكەوێ‌، هەندرێن ناوێكیش 25 ساڵە بزرە، دوو ئەحمەد داستانی پێماڵك تۆمار دەكەن و نامۆیش بەكۆچبەران دەڵێ‌: نا هەرگیز هەموو خاكێك نابێتە نیشتمان.

لەم رۆمانەدا لەنێو سێ‌ پارچەی نیشتماندا دەسوڕێیەوە، دەچیە گوندی بڕەدێی بناری قەندیل، سەرێك لەچەلێی باكوری كوردستان دەدەیی و بەدوای بزر بوونی كەسە نزیكەكانت دەكەوی و هەندێكیان هەرگیز نابینیەوە، لە كرماشانیش بەتوێكڵە شوتی و تەماتەی رزیو راوتدەنێن و پێتدەڵێن جاشی شا، دواتر لەنێوان ئاوی دەریا و ئاسمان بزر دەبین.